28 Jo-Israel duto nowinjo bura ma ruoth nong’adono, mi ne giluoro ruoth,+ nikech ne gineno ni Nyasaye omiye rieko mar ng’ado bura.+

29 Nyasaye nomiyo Solomon rieko gi chuny mar ng’eyo tiend weche mang’eny ka kuoyo manie dho nam.+ 30 Rieko Solomon nohewo rieko mar ji duto ma ne a yo wuok chieng’ kod rieko duto mar Jo-Misri.+ 31 Noriek moloyo ji duto, riekone noloyo mar Ethan+ Ja-Ezra,* Heman,+ Kalkol,+ kod Darda, yawuot Mahol. Humbe nolandore e ogendni duto ma nolwore.+

10 Kuom mano, miyae ng’eyo gi rieko+ mar tayo ogandani, nimar ere ng’ama dinyal ng’ado bura ne oganda maduong’ kama?”+

11 Eka Nyasaye nowacho ne Solomon niya: “Nikech ma e gima chunyi gombo, to ok ikwayo mwandu, kata duong’ kata tho mar wasiki. Bende, ok ikwayo dak aming’a, to ikwayo ng’eyo kod rieko mar ng’ado bura ne joga ma aseketi ruoth e wigi,+ 12 abiro miyi ng’eyo kod rieko. To bende abiro miyi mwandu kod duong’ ma pok nomi ruoth moro amora ma nokwongoni kendo ok nomi ruoth moro amora ma biro locho bang’i.”+