12 Kuom mano, aseneno ni onge gima ber ma dhano nyalo timo moloyo bedo mamor kendo timo gik makare sa ma pod ongima.+ 13 Bende, aseneno ni ji duto onego ochiem kendo ometh kendo obed mamor nikech tijgi matek. Mano en mich mowuok kuom Nyasaye.+

18 Omiyo, aneno ni ma e gima ber kendo mowinjore: ni ng’ato ochiem, kendo omethi, kendo obed mamor nikech tich matek+ ma otimo e piny kuom ndalo machuok ma Nyasaye madier omiyego ngima. Nimar mano e pok ma Nyasaye omiye.+ 19 E wi mano, ka Nyasaye madier oguedho ng’ato gi mwandu+ kendo oweyone thuolo mondo ochamgi, ng’atno onego okaw pokneno kendo obed mamor nikech tije matek. Ma bende en mich mowuok kuom Nyasaye.+