17 Kuom mano, nomiye bug* janabi Isaya kendo noyawo bugno moelo ka ma ne ondikie niya: 18 “Roho mar Jehova* ni kuoma nikech nowira mondo aland wach maber ne jo ma odhier. Ne oora mondo aland ne jo moter e tuech ni koro gin thuolo, kendo wach yawo wenge muofni, mondo agony jo ma isando,+ 19 mondo ayal higa ma Jehova* oyiego.”+ 20 Bang’ mano, nodolo bugno mi nodwoke ne jakony-tich kae to nobet piny; kendo ji duto e sunagogi nochomo wang’gi tir kuome. 21 Eka nowachonegi niya: “Kawuononi, wach moa ei Ndiko ma ua winjoni ochopo kare.”+

22 Kae to nodwokogi niya: “Dhiuru mondo unyis Johana gik ma useneno kendo ma usewinjo: Muofni koro neno,+ pudhe wuotho, jodhoho bedo maler, jo ma itgi odino winjo,+ jo motho ichiero, kendo jo ma odhier iwachonegi wach maber.+

17 Kendo anaresi kuom ogandani kod kuom ogendni mamoko ma aori irgi+ 18 mondo iyaw wengegi,+ igolgi e mudho+ kiterogi e ler,+ kendo igolgi e teko mar Satan+ kikelogi ir Nyasaye, mondo owenegi richogi+ kendo giyud pok kanyachiel gi jo ma osepwodhi mobedo maler nikech yie ma gin-go kuoma.’