Ohinga mar Jarito LAIBRARI E INTANET

2 Weche mag Ndalo 32:21, 22

Muma Maler—Loko mar Piny Manyien (nwt)
- 21 Eka Jehova nooro malaika motieko jolweny duto ma roteke,+ jotelo, kod jodongo duto ma ne nie kambi mar ruodh Asuria. Omiyo, ne odok e pinye ka en gi wich-kuot. Bang’e, nodhi e od nyasache, to moko kuom yawuote nobiro monege gi ligangla kanyo.+ 22 Omiyo, Jehova noreso Hezekia kod jo ma nodak Jerusalem e lwet Senakerib ruodh Asuria kendo noresogi e lwet jomamoko bende mi nomiyogi kuwe kuonde duto.

Isaya 30:31

Muma Maler—Loko mar Piny Manyien (nwt)
- 31 Nimar luoro maduong’ biro mako Jo-Asuria ka giwinjo dwond Jehova;+
  Obiro goyogi gi luth.+

Isaya 31:8

Muma Maler—Loko mar Piny Manyien (nwt)
- 8 Jo-Asuria biro tho gi tho ligangla, to ok mar dhano;
  Ligangla ma biro tiekogi ok nobed mar dhano.+
  
  Obiro ringo koneno ligangla,
  Kendo ibiro chun yawuote gi tich matek.

Isaya 37:36, 37

Muma Maler—Loko mar Piny Manyien (nwt)
- 36 Eka malaika mar Jehova nodhi monego jolweny mag Jo-Asuria 185,000 ka ma ne gigoyoe kambi. Ka ne ji ochiewo gokinyi ne gineno mana ringre jo motho kopie.+ 37 Omiyo, Senakerib ruodh Asuria noa kanyo modok thurgi Nineve.+