4 Ka ne Isaya pok ochopo e laru ma diere, wach Jehova nobirone niya:+ 5 “Dog ir Hezekia jatend joga mondo inyise ni, ‘Jehova Nyasach Daudi kwaru owacho kama: “Asewinjo kwayoni kendo aseneno pi wang’i.+ Abiro changi+ kendo e odiechieng’ mar adek ibiro a malo mi idhi e od Jehova.+ 6 Abiro medi higni 15 kendo abiro resi kaachiel gi dalani e lwet ruodh Asuria.+ Anaked ne dalani nikech nyinga kendo nikech Daudi jatichna.”’”+