15 Jehova Nyasach kweregi nodhi nyime siemogi nyading’eny kotiyo gi jootene nikech ne ohero joge kod hekalune.* 16 Kata kamano, ne gidhi nyime jaro joote Nyasaye madier.+ Ne gichayo wechene+ kendo ne gijaro jonabine+ nyaka Jehova nobedo gi mirima mager kod joge+ mi ne ok nyal konygi kendo.

26 “Kata kamano, ne gibedo gi wich teko kendo ne ging’anyo+ mi gitamore luwo Chikni. Ne ginego jonabi magi ma ne siemogi mondo giduog iri, kendo ne gitimo timbe malich mag achaya.+

30 Ne ihori kodgi+ kuom higni mang’eny kisiko imiyo jonabini rohoni mondo osiemgi, to ne gitamore winjo. Gikone, ne iketogi e lwet ogendni mamoko.+

3 “Kuom higni 23, chakre higa mar 13 mar loch Josia+ wuod Amon ruodh Juda nyaka kawuononi, Jehova osebedo ka wuoyo koda, kendo asebedo ka anyisou wechene nyadinwoya, to ok uwinji.+