15 Jehova Nyasach kweregi nodhi nyime siemogi nyading’eny kotiyo gi jootene nikech ne ohero joge kod hekalune.* 16 Kata kamano, ne gidhi nyime jaro joote Nyasaye madier.+ Ne gichayo wechene+ kendo ne gijaro jonabine+ nyaka Jehova nobedo gi mirima mager kod joge+ mi ne ok nyal konygi kendo.

24 To ne ok giwinjo kata chiko itgi;+ kar mano, ne giluwo riekogi kod chunygi ma nopong’ gi richo,+ mi kar sudo nyime, ne gidok mana chien. 25 Ne gitimo kamano chakre chieng’ ma ne giwuok e piny Misri nyaka kawuononi.+ Omiyo, asebedo ka aoronu jotichna ma jonabi pile ka pile.+ 26 To ne gidagi winja, kendo ne ok gichikona itgi.+ Kar mano, wigi ne tek, kendo ne gitimo madongo moloyo kata kweregi!

15 Bende, asebedo ka aoronu jotichna ma jonabi nyadinwoya,+ ka giwachonu ni, ‘Lokreuru uwe yoreu maricho,+ kendo utim gik makare. Kik uluw nyiseche mamoko mondo utinegi. Eka unudag aming’a e piny ma namiyou gi kwereu e ndalo machon.’+ To ne utamoru winja kata chikona itu.