5 Ne oloso polo gi rieko mang’eny,+

Nimar herane osiko nyaka chieng’.

22 Nitie Ng’at modak e wi piny molworore,*+

Kendo jo modak e piny chalone mana gi dede.

Oyaro polo mana ka pasia ma reprep,

Kendo ogure mana ka hema midakie.+

12 En e ma nochueyo piny gi tekone,

Ne oketo piny gi riekone+

Ne oyaro polo gi lony mare.+

13 Sa ma dwonde omor,

Pige manie polo wuo,+

Kendo omiyo boche polo wuok koa e tung’ piny konchiel nyaka komachielo.+

Ooro mil polo ka koth chue,*

Bende, ogolo yamo e ute mokanogie.+

Ibiro kuod wi jotheth duto nikech sanamu maggi;+

Nimar sanamu mothedhgo gin miriambo,

Kendo gionge muya.+

16 Pok mar Jakobo to ok chal gi gigo,

Nimar en e Ng’at ma nochueyo gik moko duto,

Israel e luth mar mwandune.+