53 Chandruok malich ma wasiku biro kelonu nomi ucham nyithindu munyuolo. Nucham ring yawuotu gi nyiu+ ma Jehova Nyasachu omiyou.

54 “Kata mana ng’at malong’o kendo mamuol ok nobed mang’won gi owadgi, gi chiege, kata gi nyithinde modong’, 55 kendo ok nocham kodgi ring yawuote, nimar ok nobed gi chiemo moro amora nikech chandruok malich ma wasigu biro kelonu ka giloronu e miechu.+ 56 Bende, kata mana dhako ma ne oluoro nyono piny gi tiende nikech ne odhiale,+ ok none lit ne chwore kata wuode kata nyare, 57 kendo nocham bieche kata nyathine mosenyuolo aling’ ling’ ma ok opogonegi nikech chandruok malich ma wasiku biro kelonu ka giloronu e miechu.

3 E odiechieng’ mar ochiko dwe mar ang’wen, kech ne ger+ ahinya e dalano, kendo ne onge chiemo ma ji ne nyalo chamo.+ 4 Ne omuk ohinga mag dalano+ mi jolweny noringo gotieno ka giluwo rangach manie kind ohinga ariyo man machiegni gi puoth ruoth. Noyudo Jo-Kaldea pod olworo dalano, to ruoth noringo koluwo yo ma dhi Araba.+ 5 Jolweny ma Jo-Kaldea ne olawo ruoth mi gijuke e paw Jeriko, kendo jolwenje duto ne oringo moweye. 6 Eka ne gimake+ mi gitere Ribla ir ruodh Babulon kendo ne ging’adone bura kuno. 7 Ne ginego yawuot Zedekia e wang’e. Kae to Nebukadnezar notucho wenge Zedekia, kae to otueye gi nyororo mar mula, motere Babulon.+

16 Eka nowachona niya: “Wuod dhano, abiro miyo chiemo obed ma onge e Jerusalem,+ ji biro pimo chiemo ma gichamo ka giparore,+ kendo gibiro modho pi ka gidhier nono.+