29 “Ka Jehova Nyasachu osetieko ogendni ma udhi kawo pinygi,+ kendo uchako dak e pinygino, 30 beduru motang’ mondo kik udonj e obadho mar luwo timbegi ka osegolnugi. Kik unon nyisechegi ka upenjoru niya: ‘Ogendnigi ne lamoga nyisechegi e yo mane mondo an bende atim kamano?’+ 31 Kik ulam Jehova Nyasachu e yo ma kamano, nimar ogendnigo lamo nyisechegi ka gitimo timbe maricho ahinya ma Jehova osin-go. Ogendnigo wang’o kata mana yawuotgi gi nyigi e mach ne nyisechegi.+

17 Bende, ne giwang’o yawuotgi gi nyigi e mach,+ ne gitimo timbe juok,+ kendo ne gimanyo weche kuom jokor wach. Ne giketo chunygi e timo gik maricho e wang’ Jehova mondo giwang’go iye.

28 Ahaz+ nobedo ruoth ka en jahigni 20 kendo nolocho kuom higni 16 kodak Jerusalem. Ne ok otimo gik makare e wang’ Jehova kaka Daudi kwar mare notimo.+

3 E wi mano, nowang’o misengni e Hoho mar Wuod Hinom,* kendo nowang’o yawuote e mach kaka misango+ koluwo timbe makwero mag ogendni+ ma Jehova noseriembo oa e nyim Jo-Israel.

33 Manase+ nobedo ruoth ka en jahigni 12 kendo nolocho kuom higni 55 kodak Jerusalem.+

6 Nowang’o yawuote e mach kaka misango+ e Hoho mar Wuod Hinom;+ nobedo jambofwa,+ jadil, kendo noketo ajuoke nyakalondo, kod jopenj jochiende wach.+ Notimo gik maricho ahinya e wang’ Jehova mondo owang’go iye.

31 Donge pod umedo chidoru nyaka kawuono kuom chiwo misengni ne sanambeu makwero, kendo wang’o nyithindu kaka misango?+ Yaye od Israel, be onego adwok wach moro amora ma upenja ka pod utimo gik ma kamago?”’+

“‘Mana kaka angima,’ Jehova Wuon Loch Duto owacho, ‘Ok abi dwoko wach ma upenja.+