15 “To ka ok uwinjo dwond Jehova Nyasachu, mi udagi rito chikene gi buchene ma amiyou kawuononi, to kuong’gi duto biro makou:+

36 Jehova biro terou e piny machielo ma un kata kwereu ne ok ung’eyo.+ Noteru kuno kaachiel gi ruoth mubiro yiero, kendo unulam nyiseche molos gi yien kod kite ka un kuno.+

15 Kuom mano, ne otero Jehoyakin+ e tuech e piny Babulon.+ Bende, ne okawo min ruoth, gi monde ruoth, gi jodong dala ruoth, kaachiel gi jotelo madongo mag pinyno. Nogologi Jerusalem moterogi e tuech Babulon.

7 Ne ginego yawuot Zedekia e wang’e. Kae to Nebukadnezar notucho wenge Zedekia, kae to otueye gi nyororo mar mula, motere Babulon.+

13 Abiro chikone obadho, mi anamake.+ Eka abiro tere Babulon, e piny Jo-Kaldea, kata kamano, ok obi nene. Kuno e ma obiro thoe.+

3 Kae to ruoth nochiko Ashpenaz, jatelo maduong’ e od ruoth mondo okelne yawuot joka ruoth gi yawuot jotend Israel.+

6 Kuom jo ma ne oyiergo, ne nitie yawuoyi ma ne wuok e dhood Juda. Yawuoyigo ne gin Daniel,*+ Hanania,* Mishael,* gi Azaria.*+