31 Jehoahaz+ nobedo ruoth ka en jahigni 23 kendo nolocho Jerusalem kuom dweche adek. Nying min mare ne en Hamutal+ nyar Jeremia ma Ja-Libna. 32 Ne ochako timo gik maricho e wang’ Jehova. Notimo gik maricho duto ma kwerene ne otimo.+ 33 Farao Neko+ ne otweye e jela Ribla+ e piny Hamath mondo kik oloch Jerusalem, kendo nogoyo pinyno fain mar talanta* 100 mag fedha kod talanta achiel mar dhahabu.+ 34 E wi mano, Farao Neko noketo Eliakim wuod Josia mondo obed ruoth kar Josia wuon mare, kendo noloko nyinge ni Jehoyakim. Kata kamano, Jehoahaz to nodhigo Misri+ ku ma ne othoe.+

4 E wi mano, ruodh Misri noketo Eliakim owadgi Jehoahaz mondo obed ruoth e wi Juda kod Jerusalem, kendo noloko nyinge ni Jehoyakim. To Neko+ nokawo Jehoahaz owadgi modhigo Misri.+

11 “Nimar ma e gima Jehova owacho e wi Shalum*+ wuod Josia ruodh Juda ma locho kar Josia+ wuon-gi, kendo ma osea e pinyni: ‘Ok obi duogo kendo. 12 Nikech obiro tho e piny ka ma otere e tuech, kendo ok none pinyni kendo.’+