16 E higa mar 17 mar loch Peka wuod Remalia, Ahaz+ wuod Ruoth Jotham nobedo ruodh Juda. 2 Ahaz nobedo ruoth ka en jahigni 20 kendo nolocho kuom higni 16 kodak Jerusalem. Ne ok otimo gik makare e wang’ Jehova Nyasache kaka Daudi kwar mare notimo.+ 3 Kar mano, nowuotho e yore mag ruodhi Israel,+ kendo nowang’o wuode e mach kaka misango+ koluwo timbe makwero mag ogendni+ ma Jehova noseriembo oa e nyim Jo-Israel.