Ohinga mar Jarito LAIBRARI E INTANET

Ohinga mar Jarito LAIBRARI E INTANET

ohinga mar jarito

LAIBRARI E INTANET

Chakruok 27:41, 42

Muma Maler—Loko mar Piny Manyien (nwt)
- 41 Esau nomako sadha gi Jakobo nikech gueth ma ne wuon-gi oguedhego.+ Omiyo, nowacho e chunye niya: “Wuora koro chiegni tho,+ to ka aseyike, abiro nego Jakobo owadwa.” 42 To ka ne onyis Rebeka gima Esau ne chano timo, noluongo Jakobo mapiyo mowachone niya: “Wuoda, winji! Esau owadu dwaro negi mondo ochul kuor.

Kwan 20:20, 21

Muma Maler—Loko mar Piny Manyien (nwt)
- 20 Kata kamano, ruodh Edom nodwoko niya: “Kik ukadh e pinywa.”+ Kendo Jo-Edom mang’eny kaachiel gi jolwenjgi nowuok mondo orad kodgi. 21 Kuom mano, Jo-Edom notamo Jo-Israel kadho e pinygi, mi Jo-Israel nobaro moluwo komachielo.+

Zaburi 83:4-6

Muma Maler—Loko mar Piny Manyien (nwt)
- 4 Giwacho kama: “Biuru watiekgi giduto,+
  Mondo nying Israel kik chak par kendo ngang’.”
  
  5 Gichokore mondo giriw paro,
  Giseriwore mondo giked kodi.+
  6 Gin hembe Jo-Edom gi Jo-Ishmael, kod Jo-Moab+ gi Jo-Hagri,+

Zaburi 137:7

Muma Maler—Loko mar Piny Manyien (nwt)
- 7 A Jehova, parie gima Jo-Edom nowacho
  Chieng’ ma Jerusalem nopodho. Ne giwacho niya:
  
  “Mukeuru! Mukeuru mondo ogore piny kaachiel gi mise mage duto!”+

Joel 3:19

Muma Maler—Loko mar Piny Manyien (nwt)
- 19 To piny Misri biro lokore thim,+
  Kendo piny Edom nolokre thim mi nodong’ gunda,+
  Nikech jopinjego nomonjo piny Juda,+
  Mi gichuero remb jo ma ne onge ketho.+

Amos 1:11

Muma Maler—Loko mar Piny Manyien (nwt)
- 11 Ma e gima Jehova owacho,
  ‘Ok abi loko kum monego ami Edom,+ nikech richoge adek, ee, nikech richoge ang’wen,
  Nimar ne olawo owadgi gi ligangla,+
  Kendo ne otamore nyiso ng’wono;
  Mirimbe nomiyo osiko kokidhogi malit,
  Kendo iye osiko kowang’ kodgi pile.+