40 Kanyo bende jadhoho moro nobirone ka saye, mi jalo nogoyo chonge piny bende ka wachone niya: “Kidwaro, to mi abed maler.”+ 41 Nikech mano, ne okeche morieyo bade momulego kowachone kama: “Ee, adwaro! Bed maler.”+ 42 Gikanyono, dhohono noa kuome mobedo maler. 43 Nochike matek kae to oweye mondo odhi. 44 Nowachone niya: “Ne ni ok inyiso ng’ato wachni, to dhi inyisri e nyim jadolo. To nikech koro iler, dhi ichiw gik ma Musa nochiko+ mondo mano ochiwnegi neno.”+

12 Chieng’ moro Yesu ne ni e dala moro ma ne nitie ng’at moro ma dhoho osaso dende. Ka noneno Yesu, nopodho piny auma kosaye niya: “Ruoth, kidwaro, to mi abed maler.”+ 13 Omiyo, norieyo bade momule kowachone kama: “Ee, adwaro! Bed maler.” Gikanyono, dhoho noa kuome.+ 14 Nochiko jalo ni kik owach ne ng’ato wachno to nokone niya: “Dhi inyisri e nyim jadolo, kendo nikech koro iler, ichiw gik ma Musa nochiko+ mondo mano ochiwnegi neno.”+