4 Bang’e, roho nomiyo Yesu odhi nyaka e thim ka ma Jachien+ ne otemee.+ 2 Ka nosetueyo chiemo kuom ndalo 40 odiechieng’ gotieno, kech nokaye. 3 Eka Jatem+ nobiro ire mowachone niya: “Ka in wuod Nyasaye, nyis ane kitegi mondo olokre chiemo.” 4 To Yesu nodwoke niya: “Ondik kama: ‘Dhano ok bed mangima mana kuom chiemo kende, to kuom weche duto ma wuok e dho Jehova.’”*+

12 Eka gikanyono roho nomiyo odhi nyaka e thim. 13 Omiyo, nobet e thim kuom ndalo 40 ka Satan teme.+ Ne en kuno gi le mag bungu, kendo malaike ne tiyone.*+