3 Saulo to nochako sando kanyakla malit. Ne ojamonjo ot ka ot koywayo chwo gi mon oko kendo nochiwogi mondo otuegi e jela.+

9 To nikech Saulo pod ne nigi mirima mager kendo nodwaro nego jopuonjre Ruoth,+ ne odhi ir jadolo maduong’ 2 mi ne okwaye barupe mondo oter e sunagoke man Damaski mondo ka oyudo ng’ato ang’ata, bed ni en dichwo kata dhako ma luwo Yor Ruoth,*+ to okelgi Jerusalem kotueyogi.

9 An awuon ne aketo chunya mar timo duto ma anyalo mondo akwed nying Yesu Ja-Nazareth. 10 To adier, mano e gima ne atimo Jerusalem, kendo ng’eny jo maler ne atueyo e jela,+ nimar jotend-jodolo+ nosemiya teko mar timo kamano. To ka ne ji dwaro nego jo malergo, ne ayie e yor ombulu. 11 Ne asandogi nyading’eny e sunagoke duto ka atemo chunogi mondo gikwed yiegi. To nikech ne ager kodgi ahinya, nachako sandogi e mier mamoko bende.

12 Agoyo erokamano ne Kristo Yesu Ruodhwa ma nomiya teko, nikech nokwana kaka ng’at migeno kuom miya migawo e tij Nyasaye,+ 13 kata obedo ni chon ne an ja achaya, jasand ji, kendo ne akwiny.+ Kata kamano, ne okecha nimar ne ajatimo gigo ka akia, kendo nikech ne aonge gi yie.