36 Mana kaka ondik niya: “Tho ochomowa odiechieng’ duto nikech in; osekwanwa ka rombe monego oyang’.”+

23 Be gin jotich Kristo? Adwoko kaka janeko ni an jatichne moloyo: asetimo tije mang’eny ahinya,+ osetueya e jela nyading’eny,+ osegoya ding’eny ma ok kwanre, bende asekalo e gik mang’eny ma kela machiegni gi tho.+ 24 Nyadibich, Jo-Yahudi ne ochwada del morem achiel to chop 40,+ 25 ne ogoya gi ludhe nyadidek,+ ne ochiela gi kite dichiel,+ meli ne okethorena e nam nyadidek,+ nitie otieno gi odiechieng’ moro ma ne asediwo e chuny nam. 26 Asekalo e masiche mang’eny, e wuodhega, e aoche, e lwet jomecho, e lwet joga awuon,+ e lwet ogendni mamoko,+ e dala,+ e thim, e nam, e kind owete mag miriambo. 27 Asetiyo matek ka achandora, asefuwo nindo nyading’eny,+ kech osekaya kendo riyo oseloya,+ asebedo ma onge chiemo ding’eny,+ asebedo e koyo kendo ma onge lewni.*