7 “Ka Ja-Israel wadu obedo modhier e mier manie piny ma Jehova Nyasachu biro miyou, kik chunyi bed matek ma itamri konye.+ 8 Nyise ng’wono, kendo hole gimoro amora mochando.+

35 Nimar ka ne adenyo ne umiya chiemo; ka ne an gi riyo ne umiya gima ne anyalo madho. Kata obedo ni ne an wendo, ne urwaka;+ 36 ka ne an duk,* ne umiya nanga.+ Ka ne atuo, ne ukonya. Ka ne an e jela, ne ulima.’+

11 En to nodwokogi niya: “Ng’at ma nigi nengni ariyo mondo opog ne jal ma ongego, kendo ng’at ma nigi chiemo bende otim kamano.”+

13 Poguru gigu ne jo maler kaluwore gi gik ma gichando.+ Beduru jo ma rwako welo.+

4 To ka nitie chi liel ma nigi nyithindo kata nyikwayo, jogego mondo okwong otim gik ma nyiso chiwruok chuth ne Nyasaye e utegi giwegi,+ kendo mondo gikony jonyuolgi gi kweregi kod deyegi, ka gichulogi gima owinjore kodgi,+ nimar mano en gima long’o e wang’ Nyasaye.+

27 Lamo maler kendo ma ok ochido e wang’ Nyasachwa kendo Wuoro en ma: ni warit nyithi kiye+ kod mond liete+ e chandruokgi,+ kendo waritre wawegi mondo kik wabed gi mbala moro amora moa e pinyni.+

17 To ng’at ma nigi gige pinyni kendo oneno ka owadgi ochando gimoro, to otamore keche, ere kaka onyalo wacho ni ohero Nyasaye?+