Ayub

37 “Wechegi miyo chunya buok

Kendo chunya gocho matek.

 2 Winjuru kaka dwond Nyasaye mor malich

Kendo winjuru koko ma wuok e dhoge.

 3 Dwonde winjore e bwo polo ngima

Kendo omiyo polo mil+ chakre tung’ piny konchiel nyaka tung’ piny komachielo.

 4 Kae to mor polo luwe;

Omor gi dwol maduong’,+

Kendo ok ogeng’ ne mil polo sa ma dwonde winjore.

 5 Dwond Nyasaye mor+ e yo malich miwuoro;

Kendo Nyasaye timo gik madongo modhiero dhano ng’eyo.+

 6 Owacho ne theluji ni, ‘Lwar e piny,’+

Kendo kodh ahiti bende onyiso ni, ‘Go piny matek.’+

 7 E yo ma kamano, Nyasaye chungo tije duto mag dhano

Mondo ging’e tijene.

 8 Le mag bungu pondo kuonde ma gidakie

Kendo gisiko e gondegi.

 9 Yamb ahiti kutho koa e ode,+

Kendo yamb nyandwat kelo koyo mang’ich.+

10 Much Nyasaye loko pi bedo baraf,+

Kendo mucheno loko pi bedo kidi.+

11 Ee, opong’o boche polo gi pi;

Kendo omiyo polo mil+ e boche;

12 Omiyo boche polo luorore kuonde modwaro;

Gitimo gimoro amora modwaro e piny.+

13 Samoro otiyo kodgi mondo okum piny,+ kata mondo okel koth,

Kata mondo onyisgo herane ne dhano.+

14 Ayub, winja;

Ling’ mos kendo ipar matut tije madongo mag Nyasaye.+

15 Be ing’eyo kaka Nyasaye chiko boche polo

Kendo kaka omiyo polo mil kowuok e bochene?

17 Ang’o momiyo lepi bedoga maliet

Kendo piny ling’ga thi sa ma yamo moa yo milambo kutho?+

18 Be inyalo konyo Nyasaye yaro kor polo+

Mi obed matek ka kiyo mar chuma?

19 Puonjwa gima wanyalo nyiso Nyasaye;

Wan to ok wanyal dwoke nimar wan e mudho.

21 Dhano ok nyal neno chieng’

Sa ma boche oime,

Nyaka yamo riemb boche eka ler bedie.

22 Ler ma pichni wuok e polo ma yo nyandwat;

Duong’ mar Nyasaye+ lich miwuoro.

23 Ok wanyal ng’eyo Ng’at Manyalo Duto e yo makare chuth;+

En gi teko mang’eny,+

Kendo ok onyal ng’ado bura ma ok kare,+ bende ok onyal weyo timo makare.+

24 Kuom mano, ji onego omiye luor.+

Nimar ok omor gi jo ma kawore ni giriek.”+