Mokwongo ne Jo-Korintho
6 Be nitie ng’ato kuomu ma nigi ywaruok moro gi nyawadgi+ to ohedhore dhi mondo oyalgi e nyim jo ma ok kare, to ok e nyim jo maler? 2 Koso ok ung’eyo ni jo maler biro ng’ado ne piny bura?+ To ka un e ma onego ung’ad ne piny bura, donge un gi nyalo moromo mar yalo buche e wi weche matindo tindo, koso? 3 Donge ung’eyo ni wanayal malaike?+ Kare ang’o ma dimonwa timo kamano e wi weche mag ngima ma sani? 4 Omiyo, ka un gi weche mag ngima ma sani monego yal,+ ang’o momiyo jo ma kanyakla ok kwan ka gimoro e ma uketo kaka jong’ad bura? 5 Awacho mae mondo akuod wiu. Be dibed ni onge kata ng’ato achiel mariek e kindu ma nyalo yalo buch owetene? 6 Kar mano, owadwa donjo ne owadgi e od ng’ado bura, kendo mana e nyim jo ma ok oyie!
7 Kuom adier, bura oseloyou sa ma udonjo ne joweteu. Marang’o ok uwe mondo otimnu marach?+ Marang’o ok uwe mondo omau amaya? 8 Kar mano, utimo marach ne joweteu kendo umayogi, to utimo mano ne oweteu!
9 Koso ok ung’eyo ni jo ma ok kare ok noyud pok e Pinyruodh Nyasaye?+ Kik wuondu. Joterruok,*+ kata jo ma lamo sanamu,+ kata jochode,+ kata chwo ma yie mondo chwo wetegi oterre kodgi,+ kata chwo ma terore gi chwo wetegi,+ 10 kata jokuoge, kata jo ma igi lach,+ kata jomer,+ kata joyenyo, kata jomecho, ok noyud pok e Pinyruodh Nyasaye.+ 11 To mano e kaka moko kuomu ne chal. To koro oselwoku maler;+ kendo osepwodhu mi ubedo maler;+ bende, osekwanu kaka jo makare+ e nying Ruoth Yesu Kristo kendo gi roho maler mar Nyasachwa.
12 Oyiena timo gik moko duto, to ok ni gik moko duto konyo.+ Oyiena timo gik moko duto, to ok abi weyo gimoro amora mondo ochika. 13 Chiemo en mar ich, kendo ich en mar chiemo, to Nyasaye biro miyo giduto gibed kayiem nono.+ Ringruok ok en mar terruok,* to en mar tiyo ne Ruoth,+ kendo Ruoth en mar ringruok. 14 To Nyasaye nochiero Ruoth,+ to wan bende obiro chierowa+ waa e tho kokalo kuom tekone.+
15 Ok ung’eyo ni ringreu gin fuonni mag Kristo?+ Ka en kamano, be onego akaw fuonni mag Kristo kendo riwogi gi ringre ochot? Mano kik timre ngang’! 16 Koso ok ung’eyo ni ng’at ma riwore gi ochot, obedo ringruok achiel kode? Nimar Nyasaye wacho ni, “ji ariyogo nobed ringruok achiel.”+ 17 To ng’at ma riwore gi Ruodhwa, obedo e paro achiel kode.+ 18 Ringuru terruok!*+ Richo moro amora ma ng’ato timo ni oko mar ringrene, to ng’at ma terore ketho ringrene owuon.+ 19 Koso ok ung’eyo ni ringreu en hekalu+ mar roho maler manie iu ma Nyasaye nomiyou?+ Bende, ok un magu uwegi+ 20 nimar nong’iewu gi nengo.+ Kuom mano, miuru Nyasaye duong’+ e ringreu.+