Mokwongo ne Jo-Korintho
13 Ka awuoyo gi dhok mag dhano kata mag malaike to aonge gi hera, achalo mana gi okot ma ywak kata nyidwonge migoyo. 2 To ka an gi mich mar koro wach, alony gi weche maler moum duto, an gi ng’eyo duto,+ kendo an gi yie motegno ma anyalo kata mana daro gode, to aonge gi hera, ok an gimoro.+ 3 Bende, ka achiwo giga duto mondo apidhgo jomamoko,+ kendo achiwo ringrena mondo apakra, to aonge gi hera,+ onge ber moro ma ayudo kata matin.
4 Hera+ hore mos+ kendo ong’won.+ Hera onge gi nyiego.+ Ok opakre, ok obed gi sunga,+ 5 ok otim timbe ma ok nyis luor,*+ ok omany mana gik ma kelone ber owuon,+ iye ok wang’ piyo.+ Ok omak tim marach motimne.+ 6 Ok omor gi tim ma ok kare,+ to omor gi adiera. 7 Odhil e weche duto,+ oyie weche duto,+ obedo gi geno kuom weche duto,+ onano e weche duto.+
8 Hera ok rem ngang’. To ka nitie mich mag koro wach, gibiro lal nono; ka nitie dhum gi dhok mopogore opogore, gibiro rumo; ka nitie ng’eyo, gibiro lal nono. 9 Nimar sani wan gi ng’eyo morem,+ kendo wakoro wach morem, 10 to ka gima oromo chuth ochopo, ibiro gol gima orem oko. 11 Ka ne an nyathi, ne ajawuoyo ka nyathi, ne aparo ka nyathi, ne anono gik moko ka nyathi; to nikech koro asebedo ng’at maduong’, aseweyo timbe mag nyathi. 12 Nimar sani waneno gik moko e yo ma mirimiri kokalo kuom kio mar chuma, to bang’e wabiro neno gigo wang’ gi wang’. Gie sani an gi ng’eyo morem, to bang’e abiro bedo gi ng’eyo chuth, mana kaka ong’eya malong’o. 13 Koro, adekgi e ma siko: yie, geno, kod hera; to maduong’ moloyogi en hera.+