Zaburi

 2 Lwok kethona duto,+

Kendo pwodh richona.+

 3 Nimar ang’eyo kethona,

Kendo asiko aparo richona.+

 4 In kendi e ma asekethoni;+

Asetimo gima rach e wang’i.+

Kuom mano, in kare ka iyala,

Kendo ibiro ng’adona bura makare.+

 5 Adier, ne onyuola e richo,

Asebedo jaricho chakre chieng’ ma minwa nomako ichna.+

 6 Idwaro ni dhano obed ja adiera gi e chunye;+

Puonja rieko.*

 7 Pwodh richona gi hisobu mondo abed maler;+

Lwoka mondo abed marachar moloyo pe.+

 8 We abedie mamor kendo moil,

Mondo chokena misetoyo ochak obedie mamor kendo.+

 9 Lok wang’i kik irang richona,+

Kendo ruch kethona duto.+

10 Yaye Nyasaye, chue chunya obed maler,+

Kendo miya chuny manyien+ kendo motegno.

11 Kik iriemba awuog e nyimi,

Kata kik igol rohoni maler kuoma.

12 Duogna mor ma ne an-go ka ne iresa,+

Konya abed gi chuny moikore luwo chikeni.

13 Eka abiro puonjo joketho yoreni,+

Mondo giduog iri.

14 Golna buch remo,+ yaye Nyasaye, Nyasacha ma wara,+

Eka lewa biro wer ka alando timbeni makare.+

15 A Jehova, yaw dhoga,

Mondo ahul pakni.+

16 Dachiwoni misango, en mana ni ok idwar misango,+

Ok imor gi misango miwang’o pep.+

17 Misango ma Nyasaye dwaro en chuny motur,

A Nyasaye, ok ibi chayo chuny monyosore kendo motur.+

18 Yaye Nyasaye, bed mang’won gi Sayun kendo konye;

Ger ohinga mag Jerusalem kendo.

19 Eka chunyi nobed mamor kichiwoni misengni makare,

Mana misengni miwang’o, kod chiwo miwang’o pep;

Kendo ruedhi nochiw e kendoni mar misango.+