Ne Jo-Hibrania
7 Melkizedek ruodh Salem kendo jadolo mar Nyasaye Mamalo Chutho noromo gi Ibrahim ka ne Ibrahim duogo koa loyo ruodhi moko mi noguedho Ibrahim+ 2 kendo Ibrahim ne omiye achiel kuom apar mar gik moko duto ma ne oduogogo. Mokwongo, tiend nyinge ka olok en “Ruoth Makare,” to bende en ruodh Salem, tiende ni, “Ruodh Kuwe.” 3 To nikech ne oonge wuon-gi, min-gi, anyuola mowuokie, kendo ne oonge gi chakruok kata giko, osiko ka en jadolo kuom kinde duto nikech ne okete mobedo ma chal gi Wuod Nyasaye.+
4 Unyalo neno kaka ng’atno ne en ng’at maduong’ ma Ibrahim jal ma ne en kwar jo anyuolane ne ochiwone achiel kuom apar mag gige mabeyo moloyo ma noseyako.+ 5 En adier ni kaluwore gi Chik, yawuot Lawi+ ma iketo e tij dolo nigi ratiro mar choko achiel kuom apar mag gik moko koa kuom oganda,+ tiende ni koa kuom jo ma gin owetegi, kata obedo ni jogo bende owuok e anyuola mar Ibrahim. 6 To ng’atni ma ok ne oa e anyuola mar Lawi ne okawo achiel kuom apar koa e lwet Ibrahim, mi nogwedho jal ma Nyasaye nosemiyo singogo.+ 7 Koro onge kiawa ni ng’at maduong’ e ma guedho ng’at matin. 8 Kuom Jo-Lawi, imiyogi achiel kuom apar to gin dhano ma tho, to kuom Melkizedek, en imiye achiel kuom apar to en ng’at ma Ndiko chiwo nende ni ongima.+ 9 Omiyo, inyalo wach ni Lawi ma ji miyo achiel kuom apar bende osechulo achiel kuom apar kokalo kuom Ibrahim, 10 nimar Lawi pod ne ni e i kwar mare sa ma Melkizedek noromo gi Ibrahim.+
11 Kare ka tij dolo mar Jo-Lawi ne nyalo miyo ji obed ma onge richo+ (nimar mano ne en chenro ma ne oket kaluwore gi Chik ma nomi ji), be pod dine odwarore ni jadolo machielo obedie, miwacho ni ni e kit dolo mar Melkizedek+ to ok e kit dolo mar Harun? 12 To nikech koro iloko tij dolono, dwarore ni olok nyaka Chik bende.+ 13 Nikech ng’at ma iwacho wechegi kuome ne owuok e dhoot mopogore, ma en dhoot ma onge ng’at mosetiyoe e kendo mar misango.+ 14 Nimar ong’ere maler ni Ruodhwa ne oa e dhood Juda,+ to Musa ne ok owacho gimoro amora e wi jodolo ma ne wuok e dhoodno.
15 Kendo wachni medo nenore maler moloyo sa ma koro iketo jadolo+ machielo ma chal gi Melkizedek+ 16 mosebedo kamano, ok kokalo kuom chik moro motudore gi anyuola ma ng’ato wuokie, to kokalo kuom teko ma chiwo ngima ma ok nyal kethore chuth.+ 17 Nimar ne owach kichiwo neno kuome niya: “In jadolo nyaka chieng’ e kit dolo mar Melkizedek.”+
18 Kuom mano, chik ma chon iketo tenge nikech koro onyap kendo oonge gi teko.+ 19 Nimar Chik ne ok omiyo gimoro amora obedo malong’o chuth,+ to geno maber moloyo ma Nyasaye osekelo+ e ma notimo kamano, kendo mano e ma miyo wasudo machiegni gi Nyasaye.+ 20 Bende, nikech mano ne ok nyal betie ma ok otim kuong’ruok moro amora, 21 (nimar kuom adier, nitie jo ma osebedo jodolo ma ok otim kuong’ruok moro amora, jali to osebedo jadolo kokalo kuom kuong’ruok ma ne otimne gi Jalno ma ne owacho kama: “Jehova* osesingore kendo ok obi loko pache,* ‘In e jadolo nyaka chieng’’”),+ 22 Yesu e ma koro osebedo jalno ma ne ochiw kaka gir singo ma siro singruok maberie moloyo.+ 23 E wi mano, ji mang’eny nyaka ne bed jodolo nikech jadolo ne tho kendo ne chuno ni machielo okaw kare+ mondo odhi nyime gi tijno, 24 to nikech Yesu siko nyaka chieng’,+ onge jo makawo kare e tije mar dolo. 25 Omiyo, en gi nyalo bende mar reso chuth jo ma sudo ir Nyasaye kokalo kuome, nimar ongima kinde duto mondo osanegi Nyasaye.+
26 Omiyo, en gima owinjore mondo wabed gi jadolo maduong’ ma kamano, ma en jal momakore chuth gi Nyasaye, jal ma onge ketho, ma onge chilo,+ jal mopogore gi jo maricho, kendo oseting’e malo ahinya moyombo polo.+ 27 To mopogore gi jodolo madongogo, en ok ochuno ni ochiw misengni pile ka pile,+ kotimo kamano mokwongo ne richo ma mage owuon eka ne richo mag oganda,+ nikech en to ne ochiwo misango dichiel ma ok bi nwo kendo, sa ma ne ochiwore owuon kaka misango.+ 28 Nimar jo ma Chik keto mondo gibed jodolo madongo gin jo ma nigi nyawo,+ to wach ma ne owach e yor kuong’ruok bang’+ ka Chik nosebetie e ma keto Wuod Nyasaye, ma en jal ma osemi obedo mowinjore chuth+ nyaka chieng’.