Joshua

12 Magi e ruodhi mag pinje ma Jo-Israel ne oloyo. Gin e ma Jo-Israel ne okawo pinjegi yo wuok chieng’ mar Aora Jordan, chakre Aora Arnon+ nyaka Got Hermon,+ gi piny Araba duto yo wuok chieng’.+ 2 Ne gikawo piny Sihon+ ruodh Jo-Amor ma ne odak Heshbon, kendo ne olocho e wi Aroer+ ma ne nie lak Aora Arnon.+ Ne olocho e wi pinyno duto chakre dier Aora Arnon nyaka Aora Jabok. Ne olocho bende e wi nus mar piny Gilead nyaka Aora Jabok, ka ma tong’ mar Jo-Amon ne ogikie. 3 E wi mano, ruoth Sihon ne locho wuok Araba nyaka Nam Kinereth+ yo wuok chieng’, kendo lochne ne dhi nyaka Nam Araba ma en Nam Chumbi. Gi yo wuok chieng’, pinyruodhe ne chopo Beth-jeshimoth, to gi yo milambo ne oriwo tiend gode mag Pisga.+

4 Ne gikawo bende piny Og+ ruodh Bashan ma ne en Ja-Refaim+ mogik kendo ma ne odak Ashtaroth kod Edrei. 5 Ne olocho e alwora mar Got Hermon, gi Saleka, gi Bashan+ duto nyaka chop tong’ mar Jo-Geshur gi Jo-Maakath.+ Ne olocho bende e wi nus mar Gilead nyaka e tong’ mar piny Sihon ruodh Heshbon.+

6 Musa jatich Jehova kaachiel gi Jo-Israel ne oloyo ruodhigo+ kae to Musa jatich Jehova nomiyo Jo-Reuben, Jo-Gad gi nus Jo-Manase pinjegigo mondo gidagie.+

7 Magi e ruodhi mag pinje ma ne Joshua gi Jo-Israel oloyo loka yo podho chieng’ mar Jordan, chakre Baal-gad+ manie Hoho mar Lebanon+ nyaka Got Halak+ ma omanyore gi Seir.+ Bang’ loyo ruodhigo, Joshua nomiyo dhout Jo-Israel pinjego kaluwore gi kuonde ma ne opoggi.+ 8 Nopogonegi piny motimo gode, gi Shefela, gi Araba, gi tiend gode, gi thim, kaachiel gi Negeb.+ Mago ne gin pinje mag Jo-Hiti, Jo-Amor,+ Jo-Kanaan, Jo-Perizi, Jo-Hivi, gi Jo-Jebus.+