Zaburi

 2 Ka wasika nobiro monja mondo gitieka,+

Gin e ma ne gichwanyore mi gipodho.

 3 Kata ka oganda lweny maduong’ e ma obiro monja,

Chunya ok bi bedo maluor.+

Kata ka lweny otugore,

Pod abiro mana bedo gi chir.

 4 Asekwayo Jehova gimoro achiel,

Kendo gino e ma adwaro moloyo,

Ni mondo adag e od Jehova ndalo duto mag ngimana,+

Ka achomo wang’a kuom ber mar Jehova,

Kendo nono matut* ber mar hekalu mare.+

 5 Nikech e kinde mar chandruok obiro panda e ode;+

Enopanda ka mopondo e hema mare;+

Enoketa e wi lwanda mabor.+

 6 Wiya koro oseting’ malo moloyo wasika molwora koni gi koni;

Abiro chiwo misengni e hembe maler ka akok gi mor;

Abiro wer ne Jehova.

 7 Yaye Jehova, winja sa ma aywakni;+

Kecha kendo idwoka.+

10 Kata ka wuonwa gi minwa ojwang’a,+

Jehova biro kawa.+

11 A Jehova, puonja yori,+

Telna aluw yo matir mondo igeng’a kuom wasigu mobutona.

Nikech joneno mag miriambo kedo koda,+

Gibuoga gi timbegi mag gero.

13 Di ne aonge yie ni abiro neno ber mar Jehova e piny jo mangima,*

Dikoro an kanye?+

14 Gen kuom Jehova;+

Bed gi chir kendo kik chunyi nyosre.+