Zaburi

Ne jatend wer. Wend Daudi.

20 Mad Jehova owinj ywakni e ndalo mag chandruok.

Nying Nyasach Jakobo mondo oriti.+

2 Okonyi ka en e ka maler+

Kendo mondo opidhi ka en e Sayun.+

3 Mad opar mich duto michiwo;

Kendo oyie gi misengni duto miwang’o. (Sela)

4 Nyasaye mondo omiyi gik moko duto ma chunyi dwaro,+

Kendo oguedh yoreni duto.

5 Wabiro goyo koko gi mor nikech iseresowa;+

Wabiro ting’o bendechewa malo e nying Nyasachwa.+

Jehova mondo otimni gik moko duto mikwayo.

6 Koro ang’eyo ni Jehova reso ng’ate mowir.+

Odwoko kwayone ka en e polo, kare maler,

Kotiyo gi lwete ma korachwich mondo orese.+

7 Jomoko ogeno geche lweny to moko ogeno farese,+

Wan to wanaluong nying Jehova Nyasachwa.+

8 Gisechwanyore ma gipodho,

Wan to wasea malo ma wachung’ motegno.+

9 Yaye Jehova, res ruoth!+

Nyasaye biro winjowa ka wakwaye mondo okonywa.+