Weche mag Ndalo Mokwongo
24 Grube mag joka Harun e magi: Yawuot Harun ne gin Nadab, Abihu,+ Eleazar, kod Ithamar.+ 2 Kata kamano, Nadab kod Abihu nokwongo ne wuon-gi tho+ kendo ne ok ginyuolo yawuoyi. Eleazar+ gi Ithamar to nodhi nyime tiyo tij dolo. 3 Daudi ne opogogi e grube kaluwore gi tijgi, ka ikonye gi Zadok+ ma wuok e anyuola mar Eleazar kod Ahimelek ma wuok e anyuola mar Ithamar. 4 Nikech yawuot Eleazar ne nigi jotend anyuola mang’eny moloyo yawuot Ithamar, ne opoggi kaluwore gi kwan mag jotelo ma ne gin-go. Yawuot Eleazar ne nigi jotelo 16, to yawuot Ithamar ne nigi jotelo 8.
5 E wi mano, ne opog grubego kitiyo gi ombulu,+ nimar ne nitie jotelo ma tiyo ka maler kod jotelo mag Nyasaye madier ma wuok e anyuola mar Eleazar kod anyuola mar Ithamar. 6 Eka Shemaya wuod Nethanel ma ne en jagoro mar Ja-Lawi nondiko nyingegi e nyim ruoth, gi jodongo, gi Zadok+ jadolo, gi Ahimelek+ wuod Abiathar,+ kod jotend anyuola mag jodolo kod Jo-Lawi. Noyier anyuola achiel kuom joka Eleazar to machielo kuom joka Ithamar.
7 Ombulu mokwongo nolwar ne Jehoyarib; mar ariyo ne Jedaya, 8 mar adek ne Harim, mar ang’wen ne Seorim, 9 mar abich ne Malkija, mar auchiel ne Mijamin, 10 mar abiriyo ne Hakoz, mar aboro ne Abija,+ 11 mar ochiko ne Jeshua, mar apar ne Shekania, 12 mar 11 ne Eliashib, mar 12 ne Jakim, 13 mar 13 ne Hupa, mar 14 ne Jeshebeab, 14 mar 15 ne Bilga, mar 16 ne Imer, 15 mar 17 ne Hezir, mar 18 ne Hapizez, 16 mar 19 ne Pethahia, mar 20 ne Jehezkel, 17 mar 21 ne Jakin, mar 22 ne Gamul, 18 mar 23 ne Delaya, to mar 24 ne Maazia.
19 Kamano e kaka ne opoggi ne tije ma ne gitimo+ ka gidhi e od Jehova kaluwore gi chenro ma ne oket gi Harun kwargi mana kaka Jehova Nyasach Israel nochike.
20 Jo-Lawi mamoko e magi: kuom yawuot Amram+ ne nitie Shubael,+ to kuom yawuot Shubael ne nitie Jedeya; 21 kuom yawuot Rehabia+ ne nitie Ishia jatelo; 22 kuom joka Izhar ne nitie Shelomoth;+ kuom yawuot Shelomoth ne nitie Jahath; 23 to kuom yawuot Hebron ne nitie Jeria+ jatelo, Amaria mar ariyo, Jahaziel mar adek, kod Jekameam mar ang’wen; 24 kuom yawuot Uziel ne nitie Mika; kuom yawuot Mika ne nitie Shamir. 25 Ishia ne en owadgi Mika; kuom yawuot Ishia ne nitie Zekaria.
26 Yawuot Merari+ ne gin Mali kod Mushi; kuom yawuot Jaazia ne nitie Beno. 27 Kuom yawuot Merari: Jaazia ne onyuolo Beno, Shoham, Zakur, kod Ibri; 28 Mali nonyuolo Eleazar, to Eleazar ne ok onyuolo wuoyi moro amora;+ 29 kuom yawuot Kish ne nitie Jerameel; 30 to yawuot Mushi ne gin Mali, Eder, kod Jerimoth.
Mago e ma ne gin Jo-Lawi kaluwore gi anyuolagi. 31 Gin bende ne gigoyo ombulu+ mana kaka owetegi ma joka Harun notimo e nyim Ruoth Daudi, Zadok, Ahimelek, kod jotend anyuola mag jodolo kod Jo-Lawi. Anyuola mar wuoyi maduong’ ne otimne machal gi anyuola mar wuoyi matin.