Isaya

 2 Ang’o momiyo utiyo gi pesau kung’iewo gima ok chiemo,

Kendo ang’o momiyo utiyo gi misachu e gima ok yieng’u?

Chiknauru itu adimba, mondo ucham gima ber,+

Kendo ubiro bedo mamor ka uchamo chiemo mamiyo.+

Winjauru, kendo unubed mangima,

Abiro timo kodu singruok mosiko+

Nikech hera mosiko ma ne aherogo Daudi, ma en hera minyalo gen.+

 4 Neuru! Ne akete obed janeno+ ne ogendni,

Nakete ruoth+ kendo jatend lweny+ ne ogendni.

 5 Neuru! Iniluong oganda moro mikiya,

Kendo oganda ma ok ong’eyi noring iri

Nikech Jehova Nyasachi,+ Ng’at Maler mar Israel,

Biro miyi duong’.+

 7 Ng’at marach mondo owe yorene+

Kendo jaricho owe parone;

Oduog ir Jehova mi nokeche,+

Ee, oduog ir Nyasachwa, mi nong’wonne e yo malach.*+

 8 Jehova owacho niya: “Gik ma aparo ok e gik ma un uparo,+

Kendo yoreu opogore gi yorena.

 9 Nimar mana kaka polo ni malo moloyo piny,

E kaka yorena ni malo moloyo yoreu

Kendo pacha ni malo moloyo pachu.+

10 Mana kaka koth chue kendo pe lwar koa e polo

To ok gidog malo ma ok giyomo lowo kendo miyo gik moko twi,

Mi jachuoyo yud kodhi kendo ji yud chiemo,

11 E kaka wach moa e dhoga nobedi.+

Ok obi duogo ira nono,+

To obiro timo gima adwaro,+

Ee, obiro timo gima aseore timo.

12 Nimar niwuog oko ka imor,+

Kendo ibiro duoki gi kuwe.+

Gode madongo gi matindo nobed mamor e nyimi,+

Kendo yiende manie pap biro pamo lwetegi.+

13 Yiend junipa biro twi to ok yiend kuthe,+

Kendo yiend murtel e ma biro twi to ok yiend aila.

Mano biro kelo ne nying Jehova duong’,+

Kendo enobed ranyisi ma nyaka chieng’.”