Weche mag Ndalo Mokwongo
18 Kinde moko bang’e, Daudi noloyo Jo-Filistia+ momayogi dala mar Gath+ gi mier matindo molwore. 2 Kae to Daudi noloyo Jo-Moab+ mi Jo-Moab ne obedo wasumbnine kendo ne gigolone osuru.+
3 Daudi noloyo Hadadezer+ ruodh Zoba+ machiegni gi Hamath+ ka ne odhi mondo ochung loch e alwora mar Aora Yufrate.+ 4 Daudi ne okawo geche lweny 1,000 gi joidh farese 7,000 kod jolweny mamoko 20,000 ma wuotho.+ Nong’ado leche mag tiende farese duto ma ne ywayo geche lweny moweyo mana 100 kende.+ 5 Ka ne Jo-Siria modak Damaski obiro konyo Hadadezer ruodh Zoba, Daudi nonego jolweny 22,000 mag Siria.+ 6 Daudi ne oketo kambi mar jolweny e Siria man Damaski, kendo Jo-Siria nobedo wasumbni Daudi ma golone osuru. Jehova nomiyo Daudi olocho kuonde duto ma ne odhiye.+ 7 E wi mano, Daudi nokawo okumbni molworore mag dhahabu kuom jotij Hadadezer mokelogi Jerusalem. 8 Ruoth Daudi noyako mula mang’eny miwuoro e dala mar Tibhath kod dala mar Kun ma ne gin mier mag Hadadezer. Solomon nokawo mulago molosogo karaya maduong’ miluongo ni Nam,+ sirni, kod gik mamoko mitiyogo e od Nyasaye.+
9 Ka ne Tou ruodh Hamath owinjo ni Daudi oseloyo jolweny mag Hadadezer+ ruodh Zoba,+ 10 nooro Hadoram wuode mondo odhi omos Daudi kendo opwoye kuom kedo gi Hadadezer moloye (nimar Hadadezer nosebedo ka kedo gi Tou), kendo nokelone gik molos gi dhahabu, fedha, kod mula. 11 Ruoth Daudi nowalo gigo ne Jehova+ kaachiel gi fedha kod dhahabu ma ne oyako kuom ogendni duto. Noyakogi kuom Jo-Edom, Jo-Moab, Jo-Amon,+ Jo-Filistia,+ kod Jo-Amalek.+
12 Abishai+ wuod Zeruya+ nonego Jo-Edom 18,000 e Hoho mar Chumbi.+ 13 Daudi noketo jolweny e piny Edom duto kendo Jo-Edom te nobedo wasumbnige.+ Jehova nomiyo Daudi olocho kuonde duto ma ne odhiye.+ 14 Daudi nodhi nyime locho e Israel duto+ kendo nong’ado bura kare ne joge duto.+ 15 Joab wuod Zeruya ne en jatend jolweny,+ to Jehoshafat+ wuod Ahilud ne en jandiko. 16 Zadok wuod Ahitub kod Ahimelek wuod Abiathar ne gin jodolo, to Shavsha ne en jagoro. 17 Benaya wuod Jehoyada notelo ne Jo-Kereth+ kod Jo-Peleth,+ to yawuot Daudi ne gin jolup ruoth.