Zaburi
Wend Jo ma Idho. Zaburi mar Daudi.
122 Ne amor ka ne ji owachona niya:
“Wadhi e od Jehova.”+
2 Tiendewa ochung’
E dho rangeyeni, A Jerusalem.+
4 Kanyo e ka ma dhoudi mag Jah*
Idho dhiye,
Mondo gipak nying Jehova,
Ka giluwo chik ma nomi Jo-Israel.+
6 Lamuru mondo Jerusalem obed gi kuwe.+
A dala maduong’, jogo moheri biro yudo arita maber.
7 Mad kuwe obed e ohinga magi madongo,
Ee, kuwe obed e ohinga magi mochiel motegno.
8 Nikech owetena kod osiepena, abiro wacho niya:
“Mad ibed gi kuwe kinde duto.”
9 Kinde duto abiro lamoni,
Nikech adwaro ni od Jehova Nyasachwa odhi maber.+