Barua Mokwongo ne Timotheo

2 Mokwongo tiktik, ajiwo ni kwayo, gi lamo, gi sayo, ne jomamoko, kod goyo erokamano otim ne ji duto 2 kendo ne ruodhi gi jotelo duto,+ mondo wadhi nyime dak e ngima mokue mos, ka wachiwore chuth ne Nyasaye kendo ka wakawo weche duto e yo mapek.+ 3 Ma en gima ber kendo malong’o e wang’ Nyasaye Jawarwa,+ 4 ma dwache en ni mondo ji duto oresi,+ kendo gibed gi ng’eyo malong’o chuth e wi adiera. 5 Nimar Nyasaye en achiel,+ kendo jagach+ e kind Nyasaye kod ji+ en achiel, ma en dhano, tiende ni Kristo Yesu+ 6 ma nochiwore owuon mi ochulo nengo mar waro ji duto+—mano en gima onego ochiwie neno ka ndalone ochopo. 7 Wach chiwo nenono+ e momiyo ne oketa mondo abed jayalo kendo jaote+—awacho adier, ok ariambi—kendo abed japuonj mar ogendni+ kuom wach yie kod adiera.

8 Omiyo, daher ni kuonde duto chwo odhi nyime gi lamo, ka giting’o lwetegi maler malo+ ma onge mirima,+ kata mino wach.+ 9 Kamano bende, mon onego obidhre gi lewni mowinjore, ma ok gikal tong’ kendo ka ginyiso ni gin jo ma pachgi long’o, ok mana bidhruok gi suko wich kod rwako dhahabu kata kite mag lulu, kata gi lewni ma nengogi tek ahinya,+ 10 to gibidhre e yo mowinjore gi mon ma wacho ni giluoro Nyasaye,+ ma en kokalo kuom timbe mabeyo.

11 Dhako mondo opuonjre koling’ mos kendo obolre chuth.+ 12 Ok ayie ne dhako mondo opuonj kata mondo obed gi teko e wi dichwo, to onego osik koling’.+ 13 Nimar Adam e ma ne okwong chue, kae to Hawa.+ 14 Bende, ne ok owuond Adam to dhako e ma ne owuond,+ mi obedo jaketho. 15 Kata kamano, nyuolo nyithindo biro miyo mon arita maber,+ tek mana ni gidhi nyime e yie kod hera kendo e timbe maler kaachiel gi bedo jo ma pachgi long’o.+