Zaburi
Zaburi mar Daudi.
138 Abiro paki gi chunya duto.+
Abiro paki gi wende
Kata mana e nyim nyiseche mamoko.*
2 Abiro kulora piny ka achomo hekaluni maler,+
Kendo abiro pako nyingi,+
Nikech herani mosiko kaachiel gi adierani.
Iseting’o nyingi kod wachni malo moloyo gik mamoko duto.*
4 A Jehova, ruodhi duto mag piny biro paki,+
Nikech gibiro winjo weche ma nisingo.
5 Gibiro wer ka gipako yore mag Jehova,
Nimar duong’ mar Jehova lich miwuoro.+
6 Kata obedo ni Jehova ni malo, to orango jo mobolore,+
Kata kamano, ong’eyo josunga kendo obor kodgi.+
7 Irito ngimana kata obedo ni awuotho e dier chandruok.+
Irieyo lweti mondo igeng’ mirimb wasika.
Lweti ma korachwich biro resa.
8 Jehova biro timona gik moko duto mosesingona.