Habakuk
Abiro rito mondo awinj gima obiro nyisa
Mondo ane gima dadwoke sa ma orieya.
2 Eka Jehova nodwoka niya:
“Ndik weche mineno e fweny, kendo igorgi maber e kite mopa,+
Mondo ng’ato ang’ata ma somo gi dwol maduong’ osome mayot.*+
3 Nimar fwenyno nigi kinde moketne,
Kendo otimo piyo mondo ochop gikone, ok obi riambo.
Nimar ok obi bare.
Obiro chopo mana e kindene!
4 Ng’i ane ng’at ma sungore;
Yorene ok ochikore tir.
To ng’at makare nobed mangima nikech adierane.*+
5 Adier, nikech divai ndhogo ji,
Ng’at ma wiye tek ok noyud gima odwaro.
Milumane lach mana ka Liel;*
Ochalo mana gi tho, kendo ok oyieng’.
Osiko ochoko ogendni duto
Ochoko ji duto kuome.+
6 Donge jogo duto biro goyone ngero kod sigana ma gijarego?+
Gibiro wacho niya:
‘Yaye, nobed malit ne ng’at ma choko gige jomoko
Kendo ma medo mana gope ma en-go!
—Nyaka karang’o?—
7 Donge jo ma ne oholi nobini apoya?
Gibiro chiewo mi giyiengi matek,
Kendo gibiro yako mwanduni duto.+
Kendo timbeni mag gero nopong’o piny,
Nyaka e mier madongo kaachiel gi jo ma ne odak e igi.+
9 Yaye, nobed malit ne ng’at ma yudo ohala e yo marach ne ode,
Mondo olos ode ka moting’ore,
Kendo otony ka masira oyude!
10 Isechano wach ma kelo ne odi wich-kuot.
Isetimo richo ne in iwuon kuom tieko ogendni mang’eny.+
11 Kidi manie kor ot biro ywak,
Kendo yien manie tado biro dwoke.
12 Yaye, nobed malit ne ng’at ma chuero remo mondo oger dala,
Kendo ma timo gik ma ok kare mondo oger taon!
13 Neuru! Donge Jehova Nyasach oganda lweny e ma nomi ji oti kayiem nono ne mach,
Kendo ogendni oti matek kayiem nono?+
15 Yaye, nobed malit ne ng’at ma miyo jowetene kong’o,
Mi omedoe ich-wang’ gi mirima mondo gimeth gimer,
Mana ni mondo one duggi!
16 Ibiro yudo wich-kuot mang’eny kar yudo duong’.
In bende methi, kendo iel dugi ma ok oter nyangu.*
Okombe manie lwedo ma korachwich mar Jehova nobini,+
Kendo wich-kuot e ma noum duong’ ma in-go;
17 Mahundu ma ne otim ne Lebanon biro umi,
Kendo nek ma ne obwogo le, nobini,
Nikech ne ichuero remb ji
Kendo timbeni mag gero nopong’o piny duto,
E mier madongo kod jo ma nodak e igi.+
18 Kido mopa kelo ber mane
Ne ng’at mopaye?
Ere ber ma sanamu mothedh kelo, kata ma japuonj ma miriambo kelo,
Kata obedo ni ng’at ma ne olose ogeno kuome,
Kendo oloso nyiseche manono ma ok nyal kata wuoyo?+
19 Yaye, nobed malit ne ng’at ma nyiso bao ni, “A malo!”
Kata ne kidi ma ok nyal wuoyo ni, “Chung’ malo! Puonjwa!”
20 Jehova to nie hekalune maler.+
Yaye piny duto, ling’uru thi e nyime!’”+