Weche mag Ndalo Mokwongo

27 Ma e kwan mag Jo-Israel, jotend dhoutgi, jotelo e wi ji aluf achiel-achiel kod ji mia-mia,+ kod jotelo mamoko ma ne tiyo ne ruoth+ e weche duto motudore gi grube ma ne tiyo dwe ka dwe e higa mangima. Grup ka grup ne nigi ji 24,000.

2 Jatelo mar grup mokwongo ma ne tiyo e dwe mokwongo ne en Jashobeam+ wuod Zabdiel, kendo grubeno ne nigi ji 24,000. 3 Kuom yawuot Perez,+ en e ma ne ochung’ ne jotend grube ma ne tiyo e dwe mokwongo. 4 Dodai+ Ja-Ahohi+ e ma ne otelo ne grup ma ne tiyo e dwe mar ariyo, to Mikloth ne jalupne, kendo grubeno ne nigi ji 24,000. 5 Jatelo ma ne oyier mondo oti e dwe mar adek ne en Benaya+ wuod Jehoyada+ jadolo maduong’, kendo grubeno ne nigi ji 24,000. 6 Benaya ne en jalweny ma ratego ma ne en achiel kuom jolweny mathuondi 30 kendo ne en e wi jolweny piero adekgo. Amizabad wuode e ma ne en jatelo e grubeno. 7 Jatelo mar ang’wen ma ne tiyo e dwe mar ang’wen ne en Asahel+ owadgi Joab,+ kendo Zebadia wuode e ma ne okawo kare, to grubeno ne nigi ji 24,000. 8 Jatelo mar abich ma ne tiyo e dwe mar abich ne en Shamhuth Ja-Izrahia, kendo grubeno ne nigi ji 24,000. 9 Jatelo mar auchiel ma ne tiyo e dwe mar auchiel ne en Ira+ wuod Ikesh Ja-Tekoa,+ kendo grubeno ne nigi ji 24,000. 10 Jatelo mar abiriyo ma ne tiyo e dwe mar abiriyo ne en Helez+ Ja-Pelon ma wuok e dhood Efraim, kendo grubeno ne nigi ji 24,000. 11 Jatelo mar aboro ma ne tiyo e dwe mar aboro ne en Sibekai+ Ja-Husha ma wuok e dhood Zera,+ kendo grubeno ne nigi ji 24,000. 12 Jatelo mar ochiko ma ne tiyo e dwe mar ochiko ne en Abiezer+ Ja-Anathoth+ ma wuok e dhood Benjamin, kendo grubeno ne nigi ji 24,000. 13 Jatelo mar apar ma ne tiyo e dwe mar apar ne en Maharai+ Ja-Netofa ma wuok e dhood Zera,+ kendo grubeno ne nigi ji 24,000. 14 Jatelo mar 11 ma ne tiyo e dwe mar 11 ne en Benaya+ Ja-Pirathon ma wuok e dhood Efraim, kendo grubeno ne nigi ji 24,000. 15 Jatelo mar 12 ma ne tiyo e dwe mar 12 ne en Heldai Ja-Netofa ma wuok e dhood Othniel, kendo grubeno ne nigi ji 24,000.

16 Magi ne gin jotend dhout Israel: e dhood Reuben, Eliezer wuod Zikri e ma ne en jatelo; e dhood Simeon, Shefatia wuod Maaka; 17 e dhood Lawi, Hashabia wuod Kemuel; e dhood Harun, Zadok; 18 e dhood Juda, Elihu,+ ma ne en achiel kuom owete Daudi; e dhood Isakar, Omri wuod Mikael; 19 e dhood Zebulun, Ishmaya wuod Obadia; e dhood Naftali, Jerimoth wuod Azriel; 20 e dhood Efraim, Hoshea wuod Azazia; e nus mar dhood Manase, Joel wuod Pedaya; 21 e nus mar dhood Manase man Gilead, Ido wuod Zekaria; e dhood Benjamin, Jaasiel wuod Abner;+ 22 e dhood Dan, Azarel wuod Jeroham. Mago ne gin jodong dhoudi mag Israel.

23 Daudi ne ok okwano Jo-Israel ma ne gin johigni 20 ka dok chien nikech Jehova nosesingo ni ne odhi miyo Jo-Israel obed mang’eny ka sulwe mag polo.+ 24 Joab wuod Zeruya nochako kwanogi to ne ok otieko. Kwenono ne omiyo Nyasaye obedo gi mirima gi Jo-Israel,+ kendo ne ok orwak kwanno e weche mag ndalo Ruoth Daudi.

25 Azmaveth* wuod Adiel ne ochung’ ne kuonde keno mag ruoth.+ Jonathan wuod Uzia ne ochung’ ne kuonde keno ma ne nie puothe, e mier, e gwenge, kod e ohingni. 26 Ezri wuod Kelub ne ochung’ ne jo ma ne puro puothe. 27 Shimei Ja-Rama ne ochung’ ne puothe mzabibu. To Zabdi Ja-Shefem* e ma ne ochung’ ne kuonde ma ne ikanoe divai ma ne olos gi mzabibugo. 28 Baalhanan Ja-Geder e ma nochung’ ne puothe zeituni kod ng’owo+ mag Shefela.*+ Joash to ne ochung’ ne mo. 29 Shitrai Ja-Sharon ne ochung’ ne jamni ma ne ikwayo Sharon,+ to Shafat wuod Adlai ne ochung’ ne jamni ma ne nie pewe. 30 Obil Ja-Ishmael ne ochung’ ne ngamia, to Jedeya Ja-Meronoth ne ochung’ ne punde. 31 Jaziz Ja-Hagri ne ochung’ ne rombe gi diek. Jogi duto ne gin jotelo ma ne ochung’ ne mwandu Ruoth Daudi.

32 Jonathan+ wuod owadgi Daudi ne en jang’ad rieko, jagoro, kendo ng’at ma ng’eyone tut. Jehiel wuod Hakmoni to ne rito yawuot ruoth.+ 33 Ahithofel+ ne en jang’ad rieko ne ruoth, to Hushai+ Ja-Arki ne en osiep ruoth. 34 Jehoyada wuod Benaya+ kod Abiathar+ ne okawo kar Ahithofel. To Joab+ ne en jatend jolweny mag ruoth.