Weche mag Ndalo Mokwongo

9 Ne ondik nyinge Jo-Israel duto e Bug Ruodhi mag Israel kaluwore gi tiengegi kod anyuolagi. Kendo ne oter Jo-Juda e tuech e piny Babulon nikech ne gitamore winjo Nyasaye.+ 2 Jo ma nokwongo duogo e miechgi ne gin Jo-Israel moko, jodolo, Jo-Lawi, kod jo ma ne tiyo e hekalu.*+ 3 To moko kuom Jo-Juda,+ gi Jo-Benjamin,+ gi Jo-Efraim, gi Jo-Manase nodak Jerusalem. Magi e gin: 4 Uthai wuod Amihud, wuod Omri, wuod Imri, wuod Bani. Ne en achiel kuom joka Perez+ wuod Juda. 5 To kuom Jo-Shilo, ne nitie Asaya wuoyi makayo kod yawuote. 6 To kuom yawuot Zera,+ ne nitie Jeuel gi owetegi 690.

7 To kuom joka Benjamin, ne nitie Salu wuod Meshulam, wuod Hodavia, wuod Hasenua, 8 Ibneya wuod Jeroham, Ela wuod Uzi, wuod Mikri, kod Meshulam wuod Shefatia, wuod Reuel, wuod Ibnija. 9 Kendo owetegi kaluwore gi tiengegi kod anyuolagi ne gin ji 956. Jogi duto ne gin jotelo e anyuolagi.

10 Jodolo ma ne nitie ne gin Jedaya, Jehoyarib, Jakin,+ 11 Azaria wuod Hilkia, wuod Meshulam, wuod Zadok, wuod Meraioth, wuod Ahitub, ma en jatelo e od Nyasaye madier, 12 Adaya wuod Jeroham, wuod Pashur, wuod Malkija, gi Maasai wuod Adiel, wuod Jazera, wuod Meshulam, wuod Meshilemith, wuod Imer, 13 kod owetegi, ma gin jotelo e anyuolagi, jolweny 1,760 maroteke, molony kendo moikore ne tije mag od Nyasaye madier.

14 To kuom Jo-Lawi, ne nitie Shemaya,+ wuod Hashub, wuod Azrikam, wuod Hashabia ma wuok e dhood Merari, 15 gi Bakbakar, Heresh, Galal, Matania wuod Mika, wuod Zikri, wuod Asaf, 16 Obadia wuod Shemaya, wuod Galal, wuod Jeduthun, kod Berekia wuod Asa, wuod Elkana, ma ne odak e piny Jo-Netofa.+

17 Jorit rangeye+ ne gin Shalum, Akub, Talmon, Ahiman, to Shalum owadgi e ma ne en jatelo, 18 nyaka chop kindeno, ne orito dho ranga ruoth man yo wuok chieng’.+ Magi e jo ma ne rito rangeye mag miech Jo-Lawi. 19 Shalum wuod Kore, wuod Ebiasaf, wuod Kora, kod owetene ma joka Kora ne ochung’ ne tij rito dho hema, kendo wuonegi ne ochung’ ne kambi mar Jehova kaka jorit mag dho rangach. 20 Finehas+ wuod Eleazar+ e ma ne otelonegi kinde mokalo, kendo Jehova ne ni kode. 21 Zekaria+ wuod Meshelemia ne rito rangach ma donjo e hema mar romo.

22 Ji duto ma ne oyier mondo orit dho rangeye ne gin 212. Ne gidak e miechgi kaluwore gi kaka ne ondik tiengegi gi anyuolagi.+ Daudi gi Samuel janen+ nomiyogi tich nikech ne gin jo ma ogen. 23 Gin kaachiel gi yawuotgi ne gichung’ ne rito rangeye mag od Jehova,+ tiende ni od hema. 24 Jorit ne ochung’ e bethene ang’wen: yo wuok chieng’, yo podho chieng’, nyandwat, kod milambo.+ 25 Kinde ka kinde, owetegi ne onego owuog e miechgi mondo obi oti kaachiel kodgi kuom ndalo abiriyo. 26 Ne nitie jotelo ang’wen mag jorit rangeye ma ne omi tijno. Ne gin Jo-Lawi kendo ne gichung’ ne ute matindo* kod kuonde keno mag od Nyasaye madier.+ 27 Ne girito otieno mangima ka gin kuondegi ka gilworo od Nyasaye, nimar mano ne en tijgi. Bende, ne gin gi ofungu kendo ne giyawo ot okinyi kokinyi.

28 Moko kuomgi ne ochung’ ne gik mitiyogo e od Nyasaye.+ Ne gikwanogi sa ma oduokgi kod sa ma ikawogi. 29 Moko kuomgi ne oket mondo ochung’ne gik mamoko mitiyogo kanyo, gi gik maler duto,+ mogo mayom,+ divai,+ mo,+ ubani,+ kod mor balsam.+ 30 Moko kuom jodolo ne ruwo mor balsam. 31 Matithia ma Ja-Lawi ma ne kach Shalum ja dhood Kora ne ochung’ ne gik moted e pan.+ 32 Moko kuom owetegi ma dhood Kohath ne ochung’ ne tedo makate miketo e nyim Nyasaye+ sabato ka sabato.+

33 Magi ne jower kendo jotelo mag anyuola joka Lawi ma ne nitie e ute matindo.* Ne ok omedgi tich moro amora, nimar ne gin e tich odiechieng’ gotieno. 34 Magi ne gin jotelo mag anyuola joka Lawi kaluwore gi kaka ne ondik anyuolagi, ne gin jodongo ma ne odak Jerusalem.

35 Jeiel ne odak Gibeon.+ En e ma nokwongo gero dalano. Chiege ne iluongo ni Maaka. 36 Wuode makayo ne en Abdon, Zur ne luwe, kae to Kish, Baal, Ner, Nadab, 37 Gedor, Ahio, Zekaria, kod Mikloth. 38 Mikloth nonyuolo Shimeam. Giduto ne gidak Jerusalem but owetegi kaachiel gi owetegi mamoko. 39 Ner+ nonyuolo Kish, Kish nonyuolo Saulo,+ Saulo nonyuolo Jonathan,+ Malkishua,+ Abinadab,+ kod Eshbaal. 40 Jonathan nonyuolo Meribaal.+ Meribaal nonyuolo Mika.+ 41 Yawuot Mika ne gin Pithon, Melek, Tarea, kod Ahaz. 42 Ahaz nonyuolo Jara, Jara nonyuolo Alemeth, Azmaveth,* kod Zimri. Zimri nonyuolo Moza. 43 Moza nonyuolo Binea, Binea nonyuolo Refaya, Refaya nonyuolo Eleasa, to Eleasa nonyuolo Azel. 44 Azel nonyuolo yawuoyi auchiel, kendo nyinge yawuotego ne gin Azrikam, Bokeru, Ishmael, Shearia, Obadia, kod Hanan. Magi duto ne gin yawuot Azel.