Amos

“Jehova biro ruto e Sayun,

Obiro ting’o dwonde e Jerusalem.

Lege mag jokwath biro ywak,

Kendo wi got Karmel biro two.”+

 3 “Ma e gima Jehova owacho,

‘“Ok abi loko kum monego ami Damaski nikech richoge adek, ee, nikech richoge ang’wen,

Nimar ne gidino Gilead gi gige dino cham mag nyinyo.+

 4 Kuom mano, abiro oro mach e od Hazael,+

Mi nowang’ ohinga mochiel motegno mag Ben-hadad.+

 5 Abiro turo lodi mag Damaski;+

Abiro ketho jo modak Bikath-aven

Abiro ketho ng’at ma locho Beth-eden;

Kendo Jo-Siria ibiro ter e tuech Kir,”+ Jehova owacho.’

 6 Ma e gima Jehova owacho,

‘“Ok abi loko kum monego ami Gaza nikech richoge adek,+ ee, nikech richoge ang’wen,

Nimar ne gichiwo oganda duto ma ne gimako+ ne Edom.

 7 Kuom mano, abiro oro mach e ohinga mar Gaza,+

Mi nowang’ ohingage mochiel motegno.

 8 Abiro ketho jo modak Ashdod+

Abiro ketho ng’at ma locho Ashkelon;+

Abiro kumo Ekron,+

Kendo Jo-Filistia modong’ biro lal nono,”+ Jehova Wuon Loch Duto owacho.’

 9 Ma e gima Jehova owacho,

‘Ok abi loko kum monego ami Turo,+ nikech richoge adek, ee, nikech richoge ang’wen,

Nimar ne gichiwo oganda duto ma ne gimako ne Edom,

Kendo ne ok giparo singruok ma ne gitimo gi owetegi.+

10 Kuom mano, abiro oro mach e ohinga mar Turo,

Mi nowang’ ohingage mochiel motegno.’+

11 Ma e gima Jehova owacho,

‘Ok abi loko kum monego ami Edom,+ nikech richoge adek, ee, nikech richoge ang’wen,

Nimar ne olawo owadgi gi ligangla,+

Kendo ne otamore nyiso ng’wono;

Mirimbe nomiyo osiko kokidhogi malit,

Kendo iye osiko kowang’ kodgi pile.+

12 Kuom mano, abiro oro mach Teman,+

Mi nowang’ ohinga mochiel motegno mag Bozra.’+

13 Ma e gima Jehova owacho,

‘“Ok abi loko kum monego ami Jo-Amon,+ nikech richogi adek, ee, nikech richogi ang’wen,

Nimar ne giyiecho i mond Gilead ma ne yach mondo giyar tong’ mar pinygi.+

14 Kuom mano, abiro oro mach e ohinga mar Raba,+

Mi nowang’ ohinga mage mochiel motegno,

Koko mag lweny biro winjore chieng’ kedo,

Kendo yamo mager biro kutho.