Weche mag Ndalo Mokwongo

4 Yawuot Juda ne gin Perez,+ Hezron,+ Karmi, Hur,+ kod Shobal.+ 2 Reaya wuod Shobal nonyuolo Jahath, Jahath nonyuolo Ahumai kod Lahad. Mago e joka Zorath.+ 3 Yawuot wuon Etam e magi:+ Jezreel, Ishma, kod Idbash (nying nyamin-gi ne en Hazelelponi), 4 to Penuel nonyuolo Gedor, Ezer nonyuolo Husha. Magi ne gin yawuot Hur+ ma wuod Efratha makayo kendo ma wuon Bethlehem.+ 5 Ashur+ wuon Tekoa+ ne nigi mon ariyo ma gin Hela gi Naara. 6 Naara nonyuolone Ahuzam, Hefer, Temeni, kod Haahashtari. Magi ne gin yawuot Naara. 7 Kendo yawuot Hela ne gin Zereth, Izhar, kod Ethnan. 8 Koz nonyuolo Anub, Zobeba, kod joka Aharhel wuod Harum.

9 Jabez* ne en ng’at moluor moloyo owetene. Min-gi nochake ni Jabez kowacho niya: “Nanyuole gi rem malit.” 10 Jabez nosayo Nyasach Israel kama: “Yie iguedha kendo imed yaro pinya, bende lweti orita mondo kik gima rach ohinya.” Kamano, Nyasaye notimone kaka nokwaye.

11 Kelub owadgi Shuha nonyuolo Mehir, ma ne en wuon Eshton. 12 Eshton nonyuolo Bethrafa, Pasea, kod Tehina, ma nonyuolo Ir-nahash. Mago e joka Reka. 13 Yawuot Kenaz ne gin Othniel+ kod Seraya, kendo wuod Othniel ne en Hathath. 14 Meonothai nonyuolo Ofra. Seraya nonyuolo Joab ma wuon Geharashim.* Noluonggi kamano nikech ne gin funde molony.

15 Yawuot Kaleb+ wuod Jefune ne gin: Iru, Ela, kod Naam. To Ela nonyuolo Kenaz. 16 Yawuot Jehalelel ne gin: Zif, Zifa, Tiria, kod Asarel. 17 Yawuot Ezra ne gin: Jether, Mered, Efer, kod Jalon. Nomako* ich monyuolo Miriam, Shamai, kod Ishba ma wuon Eshtemoa. 18 (Kendo chiege ma Nya-Yahudi nonyuolo Jered ma wuon Gedor, Heber ma wuon Soko, kod Jekuthiel ma wuon Zanoa.) Mago e yawuot Bithia nyar Farao ma Mered nokendo.

19 Yawuot chi Hodia ma nyamin Naham ne gin wuone Keila Ja-Garmi kod Eshtemoa Ja-Maaka. 20 Yawuot Shimon ne gin Amnon, Rina, Benhanan, kod Tilon. To yawuot Ishi ne gin Zoheth kod Benzoheth.

21 Yawuot Shela+ wuod Juda ne gin Er ma wuon Leka, Laada ma wuon Maresha, kod dhout jolos lewni mayom ma gin joka Ashbea, 22 gi Jokim, gi Jo-Kozeba, Joash, gi Saraf ma nokendo nyi Moab, kod Jashubilehem. Wechegi nondik chon ahinya. 23 Ne gin jochue agulni ma nodak Netaim kod Gedera. Ne gidak kuondego kendo ne gitiyo ne ruoth.

24 Yawuot Simeon+ ne gin: Nemuel, Jamin, Jarib, Zera, kod Shaul.+ 25 Shaul nonyuolo Shalum, Shalum nonyuolo Mibsam, to Mibsam nonyuolo Mishma. 26 Kendo Mishma nonyuolo Hamuel, Hamuel nonyuolo Zakur, Zakur nonyuol Shimei. 27 Shimei ne nigi yawuoyi 16 kod nyiri auchiel. Kata kamano, owetene ne ok onyuolo yawuoyi mang’eny kendo dhoodgi ne ok onyuolore kaka Jo-Juda.+ 28 Ne gidak Beer-sheba,+ Molada,+ Hazar-shual,+ 29 Bilha, Ezem,+ Tolad, 30 Bethuel,+ Horma,+ Ziklag,+ 31 Beth-markaboth, Hazar-susim,+ Beth-biri, kod Shaaraim. Mago e mier ma ne gidakie nyaka e kinde ma Daudi nochako locho.

32 Mier ma ne gidakie ne gin Etam, Ain, Rimon, Token, kod Ashan,+ mier abich. 33 Bende ne gidak e alwora mag miergo nyaka chop Baal. Kamano e kaka ne ondik anyuolagi kod kuonde ma ne gidakie. 34 Meshobab, Jamlek, Josha wuod Amazia, 35 Joel, Jehu wuod Joshibia ma wuod Seraya wuod Asiel, 36 Elioenai, Jaakoba, Jeshohaya, Asaya, Adiel, Jesimiel, Benaya, 37 gi Ziza wuod Shifi ma wuod Alon wuod Jedaya wuod Shimri wuod Shemaya. 38 Jo ma okwan-go ne gin jotelo mag anyuolagi, kendo dhout kweregi nomedore. 39 Ne gidhi e dho ranga Gedor gi yo wuok chieng’ mar hoho mondo gimany ka ma ginyalo kwaye jambgi. 40 Gikone, ne giyudo kuonde kwath moloth maber. Ne en piny malach, mokuwe, kendo ma onge jo ma chandogi. Jo-Ham+ e ma nodak kanyo motelo. 41 Jo ma okwan-go ne ondik nyingegi e kinde Hezekia+ ruodh Juda kendo ne gimuko hembe Jo-Ham kod Jo-Meunim ma nodak kanyo. Ne gikethogi chuth kendo gionge nyaka kawuononi. Ne gidak e pinyno nikech ne nitie kuonde kwath mabeyo ne jambgi.

42 Jo-dhood Simeon moko ma romo ji 500 ne odhi e Got Seir+ kitayogi gi Pelatia, Nearia, Refaya, kod Uziel ma gin yawuot Ishi. 43 Ne ginego Jo-Amalek+ ma ne oringo modhi dak kuno kendo gisebedo ka gidak kanyo nyaka kawuononi.