Zaburi

28 A Jehova, in e Lwandana,+ in e ma asiko kaluongi;

Kik idinna iti.

Nikech ka iling’ aling’a koda,

Abiro chalo gi jo ma dhi e bur.*+

 2 Winj ywakna sa ma akwayi ni ikonya,

Ka ating’o bedena malo kochomo ka maler moloyo e hekalu mari.+

 3 Kik igola oko kaachiel gi joricho kod jo mohero hinyo ji,+

Jo ma wacho weche kuwe gi jowetegi to chunygi opong’ mana gi richo.+

 4 Chulgi kuom timbegi maricho,+

Kendo nikech tijegi maricho.

Chulgi kuom gik ma lwetgi osetimo,

Kendo timnegi gima owinjore kodgi.+

 5 Nikech ok gidew tije mag Jehova,+

Kata gik ma lwetene osetimo.+

 6 Pakuru Jehova,

Nikech osewinja ka aywakne mondo okonya.

 7 Jehova e tekona+ kendo okumbana;+

Chunya ogeno kuome.+

Chunya mor nikech osekonya,

Anawerne wende pak.

 8 Jehova miyo joge teko;

En e ohinga ma ng’ate mowir yudoe resruok.+