Zaburi

26 Ng’adna bura, A Jehova, nimar aseluwo tim matir.+

Ageno Jehova kendo ok abagni.+

 2 A Jehova, nona kendo itema;

Pwodh pacha ma iye* gi chunya.+

 3 Nikech herani mosiko nie nyima kinde duto,

Kendo awuotho e adierani.+

 4 Ok ariwra gi jomiriambo,+

Kendo ok awuoth gi jo ma pando kitgi.

 5 Asin gi chokruok mar jo ma timo gik maricho,+

Adagi riwora gi joricho.+

 6 Analwok lwetena nikech aonge ketho,

Kendo analwor kendoni mar misango, A Jehova,

 7 Mondo agoni erokamano gi dwol maduong’,+

Kendo aland tijeni madongo.

 8 Ahero ka ma idakie, A Jehova,+

Ka ma duong’ni nitiere.+

 9 Kik iyweya oko gi joricho+

Kendo kik itiek ngimana gi jo mohero timbe gero,*

10 Jo ma lwetgi ohero timbe ma kelo wich-kuot,

Kendo ma lwetgi ma korachwich opong’ gi asoya.

12 Tienda ochung’ ka ma opie;+

Abiro pako Jehova e chokruok maduong’.+