WER MAMIT MOLOYO WENDE DUTO
Nimar herani mit moloyo divai.+
3 Mo miwirorigo golo suya mamit.+
Nyingi mit ka mo moyaw dhoge.+
Mano e momiyo nyiri duto oheri.
4 Kawa mondo waring wadhi.
Ruoth oserwaka e utene ma iye!
Wabed mamor kendo wail kodi.
Wago mbaka e wi herani, nimar herani mit moloyo divai.
Mano e momiyo nyiri oheri.
6 Kik ung’iya kubwok nikech adichol,
Nimar chieng’ e ma oseloko denda kama.
Owetena ne igi owang’ koda;
Omiyo, ne gimiya tij rito puoth mzabibu.
Kuom mano, ne ok ayudo thuolo mar loso puotha mar mzabibu.
Ere tiende bedo kaka dhako moumo wang’e gi law*
E kind jamb jokwath weteni?”
8 “A jaber moloyo nyiri duto, ka ok ing’eyo ka ma akwayega,
Luw tiend jamni
Mondo ikwa nyidieu machiegni gi hembe jokwath.”
9 “Jaherana, ichalona faras ma dhako manie dier farese ma ywayo geche Farao.+
10 Lembi obidhore maber,*
Tigo bende ondiso ng’uti maber.
11 Wabiro losoni thiwni mag dhahabu
Molwor gi fedha.”
13 Jaherana chalona ofuko moting’o manemane ma golo suya mamit+
Sa ma onindo e kind thundena gotieno.
15 “Mano kaka ijaber jaherana!
A, ijaber miwuoro. Wengeni chalo gi wenge akuru.”+
16 “Mano kaka in bende ijaber jaherana! Ilombo wang’ ma tamre gi nono.+
Otandawa en lum mayom.
17 Tat odwa olos gi yiend sida,
Kendo yiende mag junipa e ma osirego.
2 “Kaka maua e kind kuthe
E kaka jaherana chalo e kind nyiri.”
3 “Kaka yadh olemo* e kind yiende bungu,
E kaka jaherana chalo e kind yawuoyi.
Agombo ahinya bet e tipone,
Kendo olembene mitna sidang’.
6 Bade ma koracham oteno wiya,
To bade ma korachwich okwaka.+
Ni kik uchuna gi hera nyaka obi kende.+
8 Awinjo dwond jaherana!
E cha! Obiro!
Oidho gode kendo ochikore e kor gode kobiro.
9 Jaherana chalo gi mwanda, ochalo nyakech ma chikore.+
E cha, ochung’ e tok ohingawa
Ong’icho gie dirisa.
Ee, ong’icho gie dirisa mokenyore.
10 Jaherana wachona niya:
‘A malo jaherana,
Yaye, oberana, bi wadhi kodi.
11 Ne! Ndalo chwiri osekadho.
Kendo koth oselal.
12 Maupe osechako loth e pap,+
Kinde milweroe mzabibu bende osechopo,+
Dwond akuche bende wer e pinywa.+
13 Ng’owo osechiek;+
Maupe mag mzabibu osemoyo kendo golo suya mamit.
A malo jaherana, wuog wadhi.
Yaye oberana, bi wadhi kodi.
14 Yaye, akucha mosokore e kor lwanda,+
E buche manie kor got ma rabora,
Yie anee wang’i kendo awinjie dwondi,+
Nimar dwondi mit kendo ijaber.’”+
15 “Yaye, jowadwa, maknwauru bwe,
Maknwauru bwe matindo ma ketho puothewa mag mzabibu,
Nimar mzabibuwa osethiewo.”
16 “Jaherana en mara, to an mare.+
17 Ka piny okuwe kendo tipo bende olal nono,
Iduog piyo, yaye jaherana,
Duog piyo mana ka mwanda+ kata ka nyathi nyakech+ modak e gode madongo manie kindwa.*
3 “Ka ne an e otandana gotieno,
Ne achako manyo jaherana.+
Ne amanye, to ne ok ayude.+
2 We achung’ adhi amanye e dala duto;
E nderni kod kuonde duto ma ji chokoree.
Ne amanyo jaherana.
Ne amanye, to ne ok ayude.
3 Eka ne apenjo jorit ma wuotho e dala,+
‘Be dunenae jaherana?’
4 Mapiyo ka asewera kodgi
Ne ayudo jaherana.
5 Un nyi Jerusalem, kuong’renauru,
Gi nying mwanda kod nyakech manie thim:
Ni kik uchuna gi hera nyaka obi kende.”+
6 “Macha ang’o ma wuok e thim ma dhuolore ka irocha,
Ma golo suya mar manemane gi ubani miwang’o,
Ma nigi suya mar poda ma ja ohala uso?”+
7 “Neuru! En kom Solomon.
Chwo 60 ma thuondi olwore,
Ee, thuondi moyier mag Israel,+
8 Giduto giting’o ligangla,
Giduto otieggi ne lweny.
Moro ka moro kuomgi omanore gi ligangla e bathe,
Mondo giritre ne gik manyalo monjogi e mudho.”
10 Tiendene olos gi fedha,
Ka ma itenruokie olos gi dhahabu.
Ka ma ibetie olos gi usi ma rajamna.
Nyi Jerusalem
Ne oduso iye maber.”
11 “Un nyi Sayun, wuoguru oko
Mondo une Ruoth Solomon
Korwako osimbo mar arus ma min-gi+ ne olosone
Chieng’ ma ne okendoe,
Ee, chieng’ ma ne omorie sidang’.”
4 “Mano kaka ijaber jaherana!
A, ijaber miwuoro!
Wengeni miumo gi law chalo gi wenge akuru!
Yie wiyi chalo kueth mag diek
Ma ridore e gode mag Gilead.+
2 Lekeni tar mana ka rombe moa liel
Ka rombe molwok maler.
Giduto ginyuolo rude,
Kendo onge kata achiel moselalo nyathine.
3 Dhogi kwar mana ka usi makwar,
Kendo wecheni mit!
Lembi miumo*
Chalo gi olemb komamanga mobar.
4 Ng’uti+ chalo gi ohinga mar Daudi+
Moger gi kite modhi malo,
Molierie okumbni aluf achiel,
Okumbni molworore mag jo ma thuondi.+
6 “Ka pok yamo mokue ochako kutho kendo tipo bende olal nono,
Abiro dhi e god manemane
Kendo e god ubani.”+
8 Jaherana, wawuog Lebanon,
Bi waa Lebanon.+
9 Aheri gi chunya duto jaherana,+ yaye nyamera,
Wang’ ming’iyago dichiel kende otoya,
Inyong’a gi tigo ma iliero e ng’uti!
10 Yo minyisogo hera mora matek,+ yaye jaherana, nyamera,
11 Jaherana, mor kich ndong’ e dhogi.+
Mor kich gi chak opong’o lewi,+
Kendo lepi golo suya mamit ka yiend Lebanon.
12 Nyamera, jaherana ichalo gi puodho ma jaber mochiel motegno,
Ka puodho mochiel, kendo ka soko molor dhoge motegno.
13 Ichal* gi puodho ma jaber mopidhie komamanga
Mopidhie olembe mabeyo moloyo, kaachiel gi henna, kod yiende mag kofer,
14 Ee, maua mar kofer+ kod safron, odundu ma nigi suya mamit+ kod dalasini,+
Kod kit yien man gi manemane, ubani, kod aloe,+
Kaachiel gi yiende mamoko duto ma bende golo suya mamit.+
15 Ichal soko manie puodho mapige liw kendo ler.
Ichal ka aoche mamol kowuok Lebanon.+
16 In yamb nyandwat, tugri!
In yamb milambo, bi.
Kudhi* e puotha,
Mondo tikne mang’we ng’ar olandre.”
“We mondo jaherana obi e puothe
Mondo ocham olembene mabeyo.”
5 “Asebiro e puotha,+
Yaye nyamera, jaherana.
Asechoko manemane kod gik mang’we ng’ar.+
Asechamo peth kich kod mor kich;
Asemadho divaina kod chaga.”+
“Chiemuru, osiepena!
Methuru kendo meruru gi weche hera.”+
2 “Nindo otera, chunya to neno.+
Awinjo ka jaherana dwong’o dhoot!
Ka owachona niya: ‘Yawna nyamera, yaye jaherana,
Akucha, ionge kata mbala!
Yie wiya ng’ich nikech tho,
Tho motieno omako yie wiya.’+
3 “‘Aselonyo kandhona.
Be onego arwake kendo?
Aseluoko tiendena.
Be onego alilgi e lowo kendo?’
4 Jaherana osegolo lwete e otuchi manie dhoot,
Kendo koro chunya gombe matek.
5 Ne achung’ mondo adhi ayaw ne jaherana dhoot;
Ka lwetena ndong’ mor manemane,
Kendo mo ma ne nie lith lwetena
Ne omienore e pata mar dhoot.
6 Ne ayawo ne jaherana,
To ne ayudo ka oonge, ne osea.
Ne awinjo marach* ka ne ayudo ni osea.
Ne amanye, to ne ok ayude.+
Ne aluonge, to ne ok odwoka.
7 Jorit ma lworore e dala noromo koda.
Ne gigoya, ne gihinya.
Jorit ma ne rito e ohinga ne omaya abolana.*
8 Un nyi Jerusalem, kuong’renauru:
Ni ka uneno jaherana,
To ubiro nyise ni hera nega.”
9 “Nyiswae gima jaheranino oloyogo jomamoko,
Yaye in nyako ma jaber moloyo nyiri duto?
Nyiswae gima jaheranino oloyogo jomamoko
Momiyo idwaro ni wakuong’reni kamano.”
10 “Jaherana jaber mapichni kendo osilwal;
Fwenye yot kata mana e dier ji aluf apar.
11 Wiye en dhahabu, dhahabu maler mopwodhi.
Yie wiye bende fwayore ka it othith,
Yie wiye rateng’ mana ka yie agak.
13 Lembe ber ka puoth maupe,+
Puodho ma gik ma golo suya mamit ogaworee.
Dhoge chalo gi mau ma ndong’o mor manemane.+
14 Lith lwetene chalo dhahabu, orwakie kite mag krisolait.
Iye chalo gi tung liech mapoth momwonie kite mag safir.
15 Ogwendene chalo gi sirni moso e buche molos gi dhahabu maler.
Ochal gi Lebanon, ober ka yiende mag sida.+
16 Dhoge mit ka mor kich,
Kendo gik moko te beyo kuome.+
Koro un nyi Jerusalem, ma e jaherana ma waherorego.”
6 “Jaherani odhi kanye,
Yaye nyako ma jaber moloyo nyiri duto?
Ne oluwo yo mane?
Yienwa mondo wakonyi manye.”
2 “Jaherana ne oridore e puothe mwalo,
Ne oridore e puoth maupe,
Mondo okwa kuno
Kendo mondo opon maupe.+
3 Jaherana en mara,
To an mare.+
Okwayo e pewe mag maua.”+
4 “Jaherana,+ ijaber ka Tirza,*+
Ijaber ka Jerusalem,+
Imako dho ji mana ka jolweny molworo bendechegi.+
5 Asayi, yie iwe ng’iya+ kamano
Nimar wang’i nega.
Yie wiyi chal gi kueth mag diek
Ma ridore e gode mag Gilead.+
6 Lekeni tar mana ka rombe
Moa lwoki.
Giduto ginyuolo rude,
Kendo onge kata achiel moselalo nyathine.
7 Lembi miumo gi law
Chalo gi bath olemb komamanga.
9 An to achiel kende e akucha,+ oberana ma onge mbala.
En e nyar min kende.
Ma chuny min ohero.
Nyiri duto monene pake.
Mond ruoth duto bende pake.
10 ‘Nyako ma rieny ka wang’ chieng’ ma wuokni en ng’a,
Ma jaber ka dwe,
Ma ler ka ler mar wang’ chieng’,
Kendo ma mako dho ji mana ka jolweny molworo bendechegi?’”+
11 “Ne aridora mwalo e puoth nas+
Mondo ane ka gisechako twi,
Kendo ane ka yiend mzabibu osechako loth,
Kata ka dibed ni yiend komamanga osechako thiewo.
12 To apoya nono,
Gombona ne omiyo
Achopo e geche osiepena ma jotelo.”
13 “Nya-Shulam, duogi!
Yaye duogi,
Yie iduogi mondo waneni!”
“Ang’o momiyo udwaro neno Nya-Shulam?”+
“Ochalo miel mimielo gi grube ariyo!”*
7 “Yaye nyar jaduong’
Mano kaka tiendi beyo e wuoche mirwako!
Embeni ochwere mondisore ka gik dusruok
Gichal gik ma japecho molony oloso.
2 Pendi en bakul
Ma divai mamit ok rumie.
Iyi en ngano mobiwore
Ma maua olworo koni gi koni.
3 Thundeni ariyo chalo gi nyithi mwanda ariyo,
Nyithi mwanda ma rude.+
4 Ng’uti+ to chalo gi ot mabor moger gi tung liech.+
Umi ber mana ka god Lebanon
Mong’iyore gi Damaski.
Kata ruoth koneno to ok dogolie wang’e.
6 Mano kaka ijaber, kendo imoro chunya,
Yaye jaherana, berni oloyona gik mabeyo duto!
7 Ibor mana ka yadh nas,
Kendo thundeni ochikore ka nas.+
8 Ne awacho ni, ‘Abiro idho yadh nasno
Mondo apon olembene.’
Mad thundeni bed ka mzabibu,
Much dhogi obed mamit ka olemo.*
9 Kendo dhogi obed ka divai mamit mogik.”
“We olor e dand jaherana mos,
Ka divai ma kelo nindo mamit.
10 An mar jaherana,+
Kendo an e ma ogomba.
12 Wachiew okinyi mang’ich mondo wadhi e puoth mzabibu
Mondo wane ane ka gisechako loth,
Kata ka gisechako thiewo,+
Bende, mondo wane ka komamanga osechako moyo.+
Kuno e ma abiro nyisie herana.+
Yaye jaherana, asekanoni
Olembe manyien kod olembe machon.
8 “Dabedie ni in owadwa
Ma ne wadhodhogo thuno achiel!
Danyodhi ka aromo kodi,+
Kendo onge ng’at ma dikweda ka atimo kamano.
Damiyi pi mamit
Mar olemb komamanga molos mana sano.
3 Bade ma koracham doteno wiya,
To bade ma korachwich dokwaka.+
4 Un nyi Jerusalem, kuong’renauru:
Ni kik uchuna gi hera nyaka obi kende.”+
5 “Macha ng’a ma biro kowuok e thim
Kokwako jaherane?”
“Ne achiewi e bwo yadh olemo.*
Ka ma ne muoch okayoe mamau ka ne en gi ichni.
Kanyo e ma ne muoch okayoe dhako ma ne onyuoli.
Ka muhuri mogo e bat,
Nimar hera nigi teko mana ka tho,+
Kendo hera matut nigi teko mana ka Liel* ma ok nyal lo.
Obebni ka mach ma kakni, ee, obebni ka mach mar Jah.*+
Kata ka po ni ng’ato dichiw mwandune duto mondo oyud hera,
Pod inyalo mana jare.”
8 “Wan gi nyaminwa moro ma pod tin+
Ma thundene pok owuok.
Koro wabiro time nade
Chieng’ ma wuoyi moro nobi ni dware?”
9 “Ka en ohinga,
Wabiro duso wi ohingano gi fedha,
To ka en dhoot,
To wabiro dine gi bepe mag sida.”
10 “An ohinga,
Kendo thundena chalo gi ot modhi malo.
Omiyo, jaherana nyalo neno
Ni chunya okuwe.
11 Solomon ne nigi puoth mzabibu+ Baal-hamon.
Ne oketo puodhono e lwet jopur.
Kendo moro ka moro kuom jopurgo ne miyega fedha aluf achiel kuom olembe ma gikayo e puodhono.
12 An gi puotha awuon mar mzabibu.
Yaye, Solomon, fedha aluf achielgo gin magi.
To fedha mia ariyo gin mag jo ma tiyoni e puoth olemo.”
13 “Yaye, in mohero riyo e puodho,+
Osiepeni ohero winjo dwondi ahinya.
An bende we awinjie dwondi.”+
14 “Reti, jaherana,
Bi gi ng’wech ka mwanda+
Kata ka nyathi ngau
E wi gode ma maupene golo suya mamit.”
Kata, “nanga ma ng’ato umogo wang’e sama oywago ng’ato.”
Kata nyalo bedo, “Lembi ber obidhore gi yie wiyi mokadi.”
En kit mo moro ma nengone tek.
E dho Kisungu en apple.
Hibrania, “ot mimadhoe divai.”
Kata, “Kendo ji duto ne nyalo neno ni ohera.”
E dho Kisungu en apple.
Kata, “gode mag Bether.”
Tiende ni, kom mopedh maber ma ne iting’ogo jotelo.
Kata, “miumo gi law.”
Tiende ni, maupe mag ondanyo.
Kata nyalo bedo, “Pien dendi.”
Kata, “Kudhi mokue.”
Kata, “chunya ne otho.”
Kata, “otamba ma ng’ato gaworego.”
Kata, “Dala ma Jaber.”
Kata, “miel mar Mahanaim.”
E dho Kisungu en apple.
E dho Kisungu en apple.
Kata, “kido.”
Som Tiend Weche.
“Jah” en nying Jehova e yo machuok.