PENJO MAR 6
Ang’o ma Muma nokoro e wi Mesia?
WACH MA NOKOR
“In, Beth-lehem, . . . to kuomi nowuog en ma nobedi jalocho kuom Israel.”
KAKA NOCHOPO
“Bang’ ka nosenyuol Yesu e Bethlehem mar Judea e ndalo Herode ma ruoth, ne! jokor wach moa yo Wuok-Chieng’ ma konyore gi sulwe nobiro Jerusalem.”
WACH MA NOKOR
“Gipogo lepa e kindgi, kendo gigo ombulu kuom arwakana ng’a ma dikaw.”
KAKA NOCHOPO
“Koro ka askeche noseguro Yesu e yath, ne gikawo lepe ma oko mi gipogo ding’wen. . . . Kata kamano, nanga ma iyeno ne onge gi wang’ usi kama oriwego, nikech nolos borne wuok malo nyaka piny. Omiyo, ne giwacho e kindgi niya: ‘Kik wayieche, to weuru mondo wagone ombulu eka wang’e ni obiro bedo mar ng’a.’”
Johana 19:23, 24
WACH MA NOKOR
“Orito chokene duto: Onge moro kuomgi motur, kata achiel.”
KAKA NOCHOPO
“To kane gibiro ir Yesu, ne giyudo kosetho, mi ne ok gituro tiendene.”
WACH MA NOKOR
“To nochwowe nikech richowa.”
KAKA NOCHOPO
“Achiel kuom askechego ne ochwowo bathe gi tong’ kendo remo gi pi nowuok kuome gie sano.”
WACH MA NOKOR
“Mi nakawo fedha piero adekgo.”
KAKA NOCHOPO
“Eka achiel kuom ji Apar Gariyoka, miluongo ni Judas Iskariot, ne odhi ir jodong-jodolo mi nopenjogi kama: ‘Ang’o ma ubiro miya mondo andhognugo?’ Ne gisingo ni gibiro miye pesa ma mingli mag fedha 30.”