Bang’ Ataro mar Pi Nyaka Gologi Misri

Ji aboro kende ema ne otony e Ataro mar pi, to kata kamano, ne gimedore ma giromo ji gana mang’eny. Ne onyuol Ibrahim higini 352 bang’ Ataro. Wapuonjre kaka Nyasaye ne orito singruokne ka ne omiyo Ibrahim nyathi ma wuowi miluongo ni Isaka. Bang’e, e kind nyithind Isaka ariyo, Nyasaye ne oyiero Jakobo.

Jakobo ne nigi nyithindo mang’eny, yawuowi 12 gi nyiri moko. Yawuot Jakobo apar ne mon kod owadgi matin miluongo ni Josef, ma ne giuse Misri. Bang’e Josef ne obedo jatelo maduong’ ahinya e piny Misri. Kane kech marach obedoe, Josef ne otemo owetene mondo omi one ka be ne giloko chunygi. Gikone, od Jakobo duto, tiende ni Jo-Israel, ne odhi Misri. Mani ne otimore higini 290 bang’ kane osenyuol Ibrahim.

Kuom higini 215 ma ne oluwe, Jo-Israel ne odak Misri. Josef ka ne otho, ne gibedo wasumbini kuno. Bang’e, ne onyuol Musa, kendo Nyasaye ne otiyo kode e golo Jo-Israel mondo owuogi Misri. Higini duto ma ne okalo ma iwuoye e Kare mar ARIYO gin 857.