Be Ibiro Timo Dwaro mar Jehova?

Erokamano kuom kawo thuolo mar nono brosuani mondo ing’e Joneno mag Jehova, tijegi, koda riwruok margi. Wageno ni brosuani osekonyi fwenyo ni wan e joma timo dwaro mar Jehova e kindegi. Wajiwi mondo idhi nyime puonjori wach Nyasaye, inyis joodu koda osiepeni gik ma ipuonjori, kendo iriwri kodwa pile e chokruogewa mag Jokristo.—Jo-Hibrania 10:23-25.

Kaka imedo puonjori kuom Jehova, e kaka ibiro neno ni oheri gadier. Mano biro chwali timo duto minyalo mondo inyis ni in bende ihere. (1 Johana 4:8-10, 19) Kata kamano, ere kaka inyalo nyiso gombono e ngimani mapile? Ang’o momiyo luwo chikene e gima biro konyo ngimani moloyo? Ang’o mabiro miyi siso mar dwaro tiyo ne Nyasaye kanyachiel kodwa? Japuonjni mar Muma biro konyi yudo dwoko mondo omi in kaachiel gi joodi “uritru e hera mar Nyasaye, . . . ka un gi geno mar ngima ma nyaka chieng’.”—Juda 21.

Wajiwi mondo idhi nyime timo dongruok e adiera kuom puonjori buk maluwoni “Jitunzeni Katika Upendo wa Mungu”