Ibiro Konyi Mondo Ichung’ Kendo

Kinde moko, chunywa nyalo nyosore nikech tembe ma wayudo e ngimawa kendo mano nyalo miyo wayud ka teknwa tiyo ne Jehova. Kata kamano, e kinde kaka mago, paro matut e wi fweny ma ne Ezekiel oneno e wi duoko lamo madier nyalo konyowa. Ang’o momiyo wawacho kamano? Weche mokorgo konyowa fwenyo ni Nyasaye ma nigi teko mar kudho muya ne choke motwo ma gibed mangima kendo, nyalo miyowa teko ma dwarore mondo walo chandruoge ma wakaloe kata bed ni gidongo maromo nade.​—Som Zaburi 18:29; Fil. 4:13.

Par ni higni moko ka pok nonyuol Ezekiel, janabi Musa nosewacho ni Jehova nigi teko kaachiel gi gombo mar tiyo gi tekone e lo jotichne. Musa nondiko kama: “Nyasaye e kar buoku ma nyaka nene, oting’ou gi bedene mochwere.” (Rap. 33:27) Wan gadier ni ka wakwayo Jehova mondo okonywa e kinde chandruok, obiro ting’owa e bade ma okonywa chung’ malo kendo.​—Eze. 37:10.