Weche Mantie

Kuom higni mang’eny, jotich Jehova osebedo ka tiyo gi wer e lamo maler. Kata kamano, nitie jomoko ma wigi kuotga ka giwer kama ji nitie. Ere kaka wanyalo nyagore gi gik ma nyalo monowa wer ne Jehova gi mor? Sulani lero gimomiyo onego wawer ne Jehova gi mor, kendo ochiwonwa paro moko ma nyalo konyowa mondo dwondwa omed bedo maber sama wawer.

E sula ariyogi, wabiro neno puonj ma wanyalo yudo kuom taonde ma ne oyiedh e kinde Jo-Israel mondo joma noneko kobothnegi oyudie resruok. E sula mokwongo, tem ane neno yore ma joricho nyalo ketogo Jehova obednegi kar resruok. E sula ma luwe, ne ane kaka ranyisi ma Jehova ketonwa nyalo jiwowa mondo wawe ne ji kethogi, wane ngima kaka gima ler, kendo waher bura makare.

Sula ariyogi wuoyo kuom puonj moko ma jaote Paulo nomiyo Jokristo ma ne ni Kolosai. Sula mokwongo wuoyo kuom gima wanyalo timo sama wawinjo paro moro mobam ma nyalo lombowa mi choch yiewa. Sula mar ariyo paronwa kaka wanyalo tang’ gi kido moko ma nyalo monowa yudo mich ma Jehova osingonwa.