Lendo

◼ Buge milendogo Januar 2007: Inyalo chiw buk mora amora ma nigi ite 192 mondik e kalatas ma kite loko range kata buk moro amora ma ne ogo ka higa mar 1991 podi. Bende inyalo chiw buk mar Ujuzi kata brosua mar Endeleeni Kukesha! Februar: Ibiro chiw buk mar Mkaribie Yehova kod buk mar Ujuzi. Mach: Chiw buk mar Muma Puonjo kendo itim kinda mar chako puonjri Muma gi jogo mokawo bugno. April kod Mei: Nochiw gasede mag Mnara wa Mlinzi kod Amkeni! Sama idok limo jogo ma orwako wach, tem ahinya chiwo buk mar Muma Puonjo, to gombo mari obed chako puonjruok Muma gi joma okawo bugno.

◼ Chakre Februar ma ok okalo tarik 4 Mach, twak manyien mar ji duto ma ibiro gol gi jorit-alwora en “Piny Manyien mar Nyasaye—Ng’a Gini Manowinjre Donjoe?”

◼ Chenro mar nono weche manie vidio mar Young People Ask—What Will I Do With My Life? notim e Chokruok mar Tijwa e dwe mar April. Ka udwaro vidiono, onego ukwaye e ofis kokalo kuom kanyakla mapiyo kaka nyalore.

◼ Bugewa mayudore e dho-China igoyo e nyukta ariyo mopogore. Jo-china mawuok Hong Kong kod Taiwan hinyo somo nyukta mondik gi ndiko machon, ma waluongo ni “Chinese” (CH). Ng’eny jogo masomo buge mondik e dho-China ohero somo ndiko mondik gi nyukta mayot miluongo ni “Simplified Chinese” (CHS). Nikech nyukta ma ng’ato somo ok otudore gi bedo ni owacho Cantonese, Mandarin, kata dhok machielo machal kodgi, en gima ber temo ng’eyo nyukta ma ng’ato ohero somo. Inyalo ti gi buk matin mar Good News for People of All Nations, e ite mag 19-20, e fwenyo pogruok mantie e kind nyuktago. Mano biro konyo kanyakla e kwayo mana buge mogo gi nyukta madwarore.

◼ Kanyakla onego otim chenro madwarore mar timo Rapar ma higani ma nobed chieng’ Wuok Tich tarik 2, April, bang’ podho chieng’. Kata obedo ni inyalo chak golo twak chon, lworo mkate kod divai ok onego ochaki nyaka bang’ podho chieng’. Nonuru mondo ung’e sama chieng’ podhoe e alworau. Kanyakla ka kanyakla onego otem timo Rapar ma ok giriwore gi kanyakla moro. Kata kamano, mano ok nyalre kinde duto. Kuonde ma kanyakla mokalo achiel tiyo gi Od Romo achiel, moko kuom kanyaklago nyalo manyo kama chielo ma ginyalo timoe Raparno. Kama kanyakla mokalo achiel tiyo gi Od Romo achiel, waneno ni ber ka giweyo dakika 40 ka tin e kindgi, mondo thuolo moromo obedie ma owete gi nyimine bedogo kanyachiel ka gimosore. Onego oket chenro mamiyo thuolo bedoe kuonde miketoe mtokni kata kuonde ma mtokni donjogo ka kelo ji kod kawo ji. Jodong-kanyakla onego one ni chenro mage maber luwo e alworagi.

◼ Jogoro mag kanyakla onego onon kabe gin-gi barup keto jopainia (S-202), mar painia ka painia ei kanyakla. To ka giongego, ginyalo ndiko ne ofis.

◼ Ndiko mar higa 2007 en “Odiechieng’ Maduong’ mar Jehova Chiegni.”—Zef. 1:14, NW. Jodong-kanyakla onego one ni ong’awe e Od Romo kochopo Januar 1, 2007.