Nwoyo Puonj mag Skul — Ohinga mar Jarito LAIBRARI E INTANET

Nwoyo Puonj mag Skul

Penjo maluwogi ibiro nono e Chokruog Skul mar Tij Nyasaye e juma machakore April 30, 2007. Jarit-skul biro tayo migawo mar nwoyo penjogi kuom dakika 30, kaluwore gi weche mosepuonjruok e kind juma mar Mach 5 gi April 30, 2007. [Ng’e ni: Kuonde ma ok onyis buge malero kama dwoko mag penjogo yudoree, biro dwarore mondo itim nonro in iwuon.—Ne Shule ya Huduma, ite mag 36-37.]

LONY E WUOYO

1. Ere kaka wanyalo keto weche ma wandiko mag golo twak obed mayot? [be ite mar 168 par. 4]

2. Nyis yore ang’wen ma wanyalo chiwogo twak e yo mochanore maber. [be ite mag 170 par. 3–172 par. 4]

3. Gin gik mage monego wabedgo e paro seche ma wayiero weche ma wadwaro tiyogo e twak? [be ite 173 par. 1-2]

4. Gin ber kaka mage ma bedoe ka ng’ato golo twak ma ok ong’i ahinya kalatas mondikoe weche? [be ite 175 par. 2-4]

5. Ang’o momiyo wuoyo ka in thuolo ka ng’at maloso gi nyawadgi en gima ber, to ere kaka wanyalo puonjre wuoyo e yo ma kamano? [be ite 179 par. 4, sanduk; ite 180, sanduk]

TWAK NA. 1

6. Owadwa ma omi migawo mar wuoyo e wi puonj mayudore e somo mar Muma mar juma ka juma, onego otim ikruok e yo mane? [be ite 47 par. 3-4]

7. En ang’o ma e gima duong’ ahinya kuom rawar ma Kristo ne ochiwo, maloyo gweth mago ma rawar kelonwa? [w05 11/1 ite 14 par. 1]

8. Ere kaka onego oti gi Ndiko ma oketi e kalatas twak mar ji duto? [be ite 53 par. 1-2]

9. E tichne kaka japuonj, dwaro maduong’ mar Yesu ne en mane, to ere kaka wanyalo luwo ranyisi mare? [be ite 57 par. 1]

10. Ang’o momiyo tiyo gi paro ariyo ma moro kwedo machielo e puonj, en gima tiyo maber? [be ite 57 par. 3-4]

SOMO MAR MUMA JUMA KA JUMA

11. Ere kaka wanyalo timo kinda e tiyo gi puonj manie Yeremia 6:16 mawacho ni wawuothi e “yore machon, ka ma yo maber nitie”?

12. Ang’o momiyo Jehova ne oyiero tiyo gi ogungo kaka ranyisi machiwo puonj ne Jo-Yahudi ma ne ok ochung’ e adier, to en puonj mane ma wanyalo yudo kuom wachni? (Yere. 8:7)

13. Weche manie Yeremia 15:17 miyo waneno nade wach yore mag manyo mor e kindegi?

14. Dhano chalo nade kaka lowo e lwet Jachwe Agulini Maduong’, ma en Jehova? (Yere. 18:5-11)

15. Ere kaka yo ma ochan godo ogendini e Yeremia 25:17-26 bedo gima kende e ndalowagi?