Nwoyo Puonj mag Skul

Penjo maluwogi ibiro nono e Chokruog Skul mar Tij Nyasaye e juma machakore Agost 27, 2007. Jarit-skul biro tayo migawo mar nwoyo penjogi kuom dakika 30, kaluwore gi weche mosepuonjruok e kind juma mar Julai 2 gi Agost 27, 2007.

LONY E WUOYO

1. Ere kaka wanyalo nyiso ji luor ka walendo, koda ei kanyakla? [be ite mar 192 par. 2-4]

2. E sama wawuoyo, en ang’o madwarore mondo omi wanyis ni wan gadier kuom gima wawacho? [be ite mar 196 par. 1-3]

3. Gin paro kaka mage mabiro konyowa tiyo gi rieko ka walendo ne ji? [be ite mar 198 par. 1-5]

4. Ere kaka tiyo gi rieko oriwo nyaka ng’eyo sa mowinjore leroe wach moro e seche ma walendo ne ji? (Nge. 25:11) [be ite mar 199 par. 1-3]

5. Ere kaka wanyalo chiwo twegewa e yo majiwo jowinjo? [be ite mar 203 par. 3–ite mar 204 par. 1]

TWAK NA. 1

6. En ang’o minyalo wachi kuom Ezekiel kaka jandiko kendo kuom bug Ezekiel kaka buk mowinjore bedo e oboke moting’o nyinge buge maler kendo kaka buk madier? [bsi07 ite mar 6 par. 3]

7. En kido achiel mane madwarore mamiyo ng’ato nano ka itimone gima ok kare? [w05 6/1 ite mar 29 par. 4]

8. En ang’o ma wapuonjre kuom dwoko ma Yesu nochiwo ne Jo Saddukai ma ne penje ka none kuom wach chier? (Luka 20:37, 38) [be ite mar 66 par. 4]

9. Inyalo chiwo dwoko nade ka japuonjre Muma kata Jakristo wadu openjo gima onego otim e wi wach moro? [be ite mar 69 par. 4-5]

10. Ang’o madwarore kuom bedo gi ‘paro kod chuny molos manyien’? (Efes. 4:23) [be ite mar 74 par. 4]

SOMO MAR MUMA JUMA KA JUMA

11. E Ezekiel 9:2-4, jal morwako bafta ochung’ ne ng’a, kendo tim mar keto “ranyis e lela wang’” nyiso ang’o? [w88 9/15 ite mar 14 par. 18]

12. Ere kaka jopuonj dinde maluongore ni Jokristo gin kaka “jonabi mofuwo, maluwo tim chunygi giwegi,” kaka owachi e Ezekiel 13:3? [w99 10/1 ite mar 13]

13. Kane Jo-Israel ‘goyo ngero’ mondiki e Ezekiel 18:2, ang’o ma ne gitemo timo, kendo en puonj mane maduong’ mar ng’ato ting’o ting’ne owuon ma ijiwo kae? [w88 9/15 ite mar 18 par. 10]

14. Ezekiel nobedo “mamomo,” kata “momo,” e yo mane e kinde ma ne ilworo kendo iketho Jerusalem? (Ezek. 24:27; 33:22) [w03 12/1 ite mar 29]

15. “Gog, manie piny mar Magog,” en ng’a, kendo obiro ketho oganda Jehova kinde mane? (Ezek. 38:2, 16) [w97 3/1 ite mar 14 par. 1–ite mar 15 par. 3]