Wach Makonyo ma Iparonwa
“E pinje mang’eny, wawinjo wach riwruoge ma ji luongo ni ‘chama,’ kata riwruoge mamoko ma ji nywakoe pesa mondo gilogo yore mopogore opogore. Gima gihinyo timo en ni gibedo gi chokruoge mag nyolworo kata nyasi e ute jokanyo mopogore opogore, kama giduto gichiwo pesa ‘miholo’ joot achiel e grubno mondo okonygi loyo dwachgi moro maduong’. Moko kuom puonj mag Muma monego onon machiwo ler kuom paro ma Jokristo nigo e wachni gin mage? Moko kuomgi gin kaka Jo Efeso 5:3, 5 mawuoyo kuom gombo kata ich lach, Jo Rumi 13:8 kod Ngeche 22:7 mawuoyo kuom bedo gi gowi, 1 Jo Korintho 15:33 kod 2 Jo Korintho 6:14, 15 mawuoyo kuom bedo gi osiepe, kaachiel gi Jo Efeso 5:18 kod 1 Petro 4:3 mawuoyo kuom metho kata timo nyasi gi jogo ma ok gin Jokristo. Puonj mayudore e ndikogi nyalo mana romo, kendo konyowa ng’ado paro e yo maber.”
Higini mang’eny osekalo nyaka ne parnwa wachni. Chakre kindeno ji mang’eny osedonjo e adiera. Nikech chandruok mag yuto manie piny sani, ng’enywa biro bedo mamor gi wachni ma iparonwa. Ka achiel kuom Jokristo e kanyakla ochando gimoro, Jakristo moro amora nyalo chiwore mondo okony. Nitie kinde moko ma jodong-kanyakla nyalo timo chenro mar loso wach kony.